मुंबई | राज्यात कोरोनाच्या संकटाने जनजीवन विस्कळीत झाले आहे. कोरोनाला आळा कसा घालावा यासठी शर्थीचे प्रयत्न सुरु आहेत. मात्र, दुसरीकडे राजकारण हे सुरुच आहे. काल (२६ एप्रिल) मुख्यमंत्री उद्धव ठाकरे यांनी फेसबुक लाईव्हच्या माध्यमातून लोकांना संबोधित केले. यात त्यांनी ही राजकारणाची वेळ नाही, कोणीही घाणेरडे राजकारण करु नका. सगळ्यांनी एकत्र येऊन लढण्याचे आवाहनही त्यांनी केले. त्यांच्या याच वक्तव्यावर भाजपचे नेते आशिष शेलार यांनी आपली भूमिका मांडली आहे.
मुख्यमंत्र्यांनी जे काल फेसबुक लाईव्हच्या माध्यमातून राजकारणाची ही वेळ नाही हा संदेश दिला त्यांचे आम्ही स्वागत करतो. ही खरंच राजकारणाची वेळ नाही. मात्र, त्यांनी हा उपदेश सामनाचे कार्यकारी संपादक संजय राऊत यांना दिला असता तर बरं झालं असतं, असा खोचक टोला लगावला आहे. तसेच, राज्यपालांवर टीका केल्यानंतर,वांद्र्यातील घटनेनंतर राज्याचे युवा मंत्री जेव्हा टीका करतात तेव्हा तुम्ही हा उपदेश करणे अपेक्षित होते. मात्र, कोरोनाच्या या काळात विरोधी पक्ष तुमच्या सोबत आहे, तुम्ही आश्वासत राहा असे, त्यांनी म्हटले आहे.
मा. मुख्यमंत्री, कोरोनाच्या लढाईत विरोधीपक्षासह महाराष्ट्र आपल्या पाठीशी आहेच. आपण फेसबुकवरुन राजकारण करु नका, असा जो उपदेश केलात तो सामनाचे कार्यकारी संपादक संजय राऊत यांना केलात तर बरं होईल. राज्यपालांवर टीका, बांद्र्यातील घटनेनंतर युवराजांचे विधान.. हे थांबवलेतर बरे होईल. pic.twitter.com/eQjg5Phlya
— Adv. Ashish Shelar – ॲड. आशिष शेलार (@ShelarAshish) April 26, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
