नागपूर | राज्यभर सुरू असलेल्या दूध आंदोलनाला आता राष्ट्रवादी आमदार आणि विरोधी पक्षाच्या आमदारांनी दूध उत्पादकांना न्याय मिळालाच पाहिजे अशा घोषणा देत आमदारांनी विधानभवनाच्या पायऱ्यांवर जोरदार घंटानाद आंदोलन केले आहे.
दूध उत्पादकांचे आंदोलन आज राज्यभर तीव्र झाले असून त्याचे पडसाद आज दोन्ही सभागृहात उमटले. सभागृहामध्ये सरकारकडून दूध उत्पादकांना योग्य तो हमीभाव मिळत नसल्याने राष्ट्रवादी काँग्रेस पक्षाचे आमदार आक्रमक झाले आणि त्यांच्यासोबत काँग्रेस आणि शिवसेनेचे आमदारही आक्रमक झाल्याचे पाहायला मिळाले. राष्ट्रवादी काँग्रेस पक्षाचे आमदार आणि विरोधी पक्षाच्या आमदारांनी विधानभवनाच्या पायऱ्यांवर येवून घंटा वाजवून जोरदार आंदोलन केले. घंटानाद आंदोलनामुळे विधानभवनाचा परिसर दणाणून गेला.
यावेळी विधीमंडळ पक्षनेते अजित पवार, प्रदेशाध्यक्ष आमदार जयंत पाटील, आमदार राजेश टोपे, आमदार शशिकांत शिंदे, आमदार हसन मुश्रीफ, आमदार विजय भाबळे, आमदार संजय कदम, आमदार मधुसुदन केंद्रे, आमदार प्रदीप नाईक आदींसह काँग्रेस पक्षाचे विरोधी पक्षनेते राधाकृष्ण विखेपाटील आंदोलनामध्ये सहभागी झाले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
