मुंबई | महाराष्ट्र सदन घोटाळा प्रकरणी माजी उपमुख्यमंत्री आणि राष्ट्रवादी काँग्रेसचे ज्येष्ठ नेते छगन भुजबळ यांना पीएमएलए न्यायालयाने दिलासा दिला आहे. या प्रकरणाची सुनावणी करताना विशेष पीएमएलए कोर्टाने भुजबळ यांना ६ ऑगस्टपर्यंत अटक न करण्याचा निर्णय दिला आहे. भुजबळ यांना पर्सनल बाँड भरण्याचे आदेश दिले आहेत.
दिल्लीतील महाराष्ट्र सदन बांधकाम घोटाळा प्रकरण आणि बेहिशेबी मालमत्ताच्या आरोपावरुन दोन वर्षापासून छगन भुजबळ हे तुरुंगवासाची शिक्षा भोगत होते. ४ मे रोजी भुजबळ यांना ५ लाख रुपयांच्या जातमुचलक्यावर जामीन मंजूर करण्यात आला होता.
महाराष्ट्र सदन घोटाळ्याप्रकरणी लाचलुचपत प्रतिबंधक खात्याने (एसीबी) भुजबळ यांच्यासह पंकज, समीर आणि अन्य १४ जणांवर आधीच आरोपपत्र दाखल केले होते. या प्रकरणाची चौकशी पुढे नेत, भुजबळ कुटुंबाच्या आर्थिक गैरव्यवहारामुळे सरकारी तिजोरीचे ८७० कोटी रुपयांचे नुकसान झाल्याचे ‘ईडी’ने म्हटले होते आणि छगन भुजबळ यांना अटक केली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
