मुंबई | भाजपचे प्रवक्ते माधव भंडारी यांना मंत्रिपदाचा दर्जा देण्यात आला आहे. महाराष्ट्र राज्य पुनर्वसन प्राधिकरण आणि राज्य पुनर्वसन व सनियंत्रण समितीच्या उपाध्यक्षपदी भंडारी यांची नेमणूक करण्यात आली आहे. माधव भंडारी हे समितीचे अध्यक्ष मदत आणि पुनर्वसन मंत्री असतील तर त्यात सदस्य म्हणून महसूल, वने, ऊर्जा, उद्योग आणि वित्त मंत्री तसेच या विभागाचे सचिव असतील.
गेल्या विधानपरिषदेच्या निवडणुकीत भंडारी यांचे नाव आघाडीवर होते. पण, त्यांना डावलून राष्ट्रवादीतून उमेदवार प्रसाद लाड यांना तिकीट देण्यात आले होते. भंडारी यांना वादग्रस्त नाणार प्रकल्पाच्या भूसंपादनाची जबाबदारी सोपवण्यात आलीये. भुसंपादन प्राधिकरणाचे पुनर्गठन करून माधव भंडारी यांची राज्यमंत्री दर्जा देवून नियुक्ती करण्यात आलीये.
माधव भंडारी यांचा अल्प परिचय
माधव भंडारी यांचा जन्म २१ ऑक्टोबर १९५४ रोजी झाला. त्यांचे शिक्षण बी. ए. पर्यंत झाले असून माधव भंडारी यांच्यावर बालपणापासून संघाचे संस्कार झाले. महाविद्यालयीन जीवनात अखिल भारतीय विद्यार्थी परिषदेच्या विविध कामांमध्ये सहभाग झाले होते. छात्रशक्ती ह्या अभाविप मुखपत्राच्या संपादन कार्यातून वृत्तपत्रीय जीवनाची सुरुवात असून १९७५ ऐन आणीबाणीच्या काळात त्यांनी वृत्तपत्र क्षेत्रात प्रवेश केला. १९८० ते १९९० मध्ये भारतीय जनता पार्टीचे काम पूर्ण वेळ पाहण्यास सुरुवात.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
