केंद्रात आणि राज्यात एकोपा असताना काही लोक राजकारण करण्याचा प्रयत्न करत आहेत !

मुंबई | नितीन गडकरींना मला धन्यवाद द्यायचे आहेत. केंद्रात आणि राज्यात एकोपा असताना काही लोक राजकारण करण्याचा प्रयत्न करत आहेत. या परिस्थितीत राजकारण न करता सगळ्यांनी महाराष्ट्र सरकारसोबत मिळून काम करावे, हे गडकरींनी आवाहन केले, त्याबद्दल मी त्यांचे आभार मानतो, असे म्हणत मुख्यमंत्री उद्धव ठाकरे यांनी नाव न घेता विरोधकांवर टीका केली आहे. मुख्यमंत्र्यांनी आज (२६ एप्रिल) फेसबुक लाईव्हद्वारे राज्यातील जनतेला संबोधित करताना म्हणाले.

राज्यात आतापर्यंत कोरोनाच्या १ लाख ८ हजार ९७२ चाचण्या केल्या आहेत. १ लाख १ हजार १६२ जणांचे नमुने निगेटिव्ह आलेत. जवळपास ७ हजार ६२८ नमुने पॉझिटिव्ह आले आणि ३२३ रुग्णांचा मृत्यू झालाय. लॉकडाऊनमुळे कोरोनाचा वेग संथ ठेवण्यात आपण यशस्वी झालो आहोत.

मुख्यमंत्र्यांच्या संबोधनातील महत्त्वाचे मुद्दे

• काळजी घेतली तर कोरोना बरा होईल
• फळ वाहतूक आणि कापूस खरेदी सुरू आहे
• फळ घरपोच पोहचवण्याचा विचार सुरू आहे.
• लॉकडाऊनमूळे कोरोनाचा गुणाकार हा कमी झाला आहे.
• पंतप्रधान नरेंद्र मोदी यांच्या सोबत उद्या व्हिडिओ कोन्फरेंस होणार असल्याची माहिती दिली
• १ लाख ७२ हजार कोरोना चाचण्या केल्या आहेत
• रतन टाटा, मुकेश आंबानी आणि बिर्ला यांनी मदत केली आहे.
• २० टक्के लोकांना कोरोनाचा जास्त धोका आहे, व्याधी असलेल्यांनी जास्त खबरदारी घ्यावी
• ३ मेनंतर काही मुभा द्यांची आहे, यांचा विचार सुरू आहे.
• ३ मेला लॉकडाऊन उठणार आहे. याचा अर्थ गाफील राहू नका, गर्दी करू नाक
• मुंबईत काही ठिकाणी मुभा दिल्यानंतर गर्दी झाली होती.
• देशातील ८० टक्के लोकांना कोरोनाचे लक्षणे नाहीत
• कोरोनावर औषध येण्याधीच आपला देश आत्मविश्वास आणि संयमाच्या बळावर हे युद्ध जिंकेल
• केंद्राकडून गहू आणि गाळींची गरज आहे
• केंद्रच्या पथकाने त्रयस्थपणे निरीक्षण करावे
• लॉकडाऊन संपेपर्यंत ट्रेन सुरू होणार नाही
• गर्दी करू नका, ट्रेन सुरू होणार नाही, सरकारच्या सुचनेचे पालन करा
• परप्रांतींना त्यांच्या गावी पाठवण्यासाठी प्रत्यन केले सुरू आहेत.
• नितीन गडकरींनी राजकारण बाजुला ठेवून सहकार्य केले, संकटाच्या काळात काही जण राजकारण करत आहे. राजकारण करणाऱ्यावर मुख्यमंत्र्यांनी टीका केली आणि नितीन गडकरींनी मनापासून आभार मानले आहे.
• निवडणूका येतील जातील. सत्ता येते जाते, जीव गेला तर परत येणार नाही
• लॉकडाऊनमुळे कोरोनाचा संसर्ग संथ होण्यात यशस्वी होत आहे
• पोलीस आयुष्य बाजुल ठेवून काम करत आहे
• कोरोनाच्या संकटात मदत करणारे देवा आहेत
• कोरोनाच्या युद्धात लढताना दोन जवान शहीद झाले आहे, मोठ्या तणावाखाली जवान काम करत आहे, अशी माहिती मुख्यमंत्र्यांनी दिली आहे.
• आरोग्य दूत आणि सफाई कामगार हेच देव आहेत.
• लोकांनी जो संयम पाळाला तोच देव आहे