मुंबई | शिवसेनेचे मुखपत्र असलेल्या सामना या वृत्तपत्रातून सामनाचे कार्यकारी संपादक आणि शिवसेना खासदार संजय राऊत यांनी राष्ट्रवादी काँग्रेसचे अध्यक्ष शरद पवार यांची मॅरेथॉन मुलाखत घेतली होती. या मुलाखतीत शरद पवारांनी अनेक विषयांवर दिलखुलास चर्चा केली.
शरद पवारांच्या नंतर आता राज्याचे मुख्यमंत्री उद्धव ठाकरे यांची मुलाखत शिवसेनेचे खासदार आणि ‘सामना’चे कार्यकारी संपादक संजय राऊत यांनी मुलाखत घेतली आहे.
या मुलाखतीचे चित्रीकरण आज (२० जुलै) पार पडले. राज्य ते केंद्र, राम मंदिर निर्माणाचा मुद्दा, विरोधीपक्ष नेते देवेंद्र फडणवीस ते कोरोनाचा प्रादुर्भाव, महाविकास आघाडीचे नेतृत्व ते सरकारचे स्थैर्य अशा अनेक विषयांवर उद्धव ठाकरे यांनी या मुलाखतीत आपली भूमिका मांडली आहे.
२५ आणि २६ जुलैला ‘सामना’ आणि सामानाच्या न्यूज चॅनलवर या मुलाखतीचे प्रक्षेपण होणार आहे. २८ जुलैला उद्धव ठाकरे यांचा वाढदिवस आहे. आणि वाढदिवसाचे औचित्य साधत संजय राऊत यांनी ही मुलाखत घेतली आहे. त्यामुळे आता नेमकी या मुलाखतीत उद्धव ठाकरेंनी काय मते मांडली, काय बोलले याकडे सगळ्यांचे लक्ष लागले आहे.
मुख्यमंत्री ऊध्दव ठाकरे @uddhavthackeray
यांची घणाघाती मुलाखत सामना साठी घेतली.
सर्वच प्रश्नांना दिलखुलास ऊत्तरे मिळाली..ऊध्दव ठाकरे यांची दिलकी बात राजकारण ढवळून काढेल. करोना पासून राम मंदिरा पर्यंत मुख्यमंत्री ठाकरे दणक्यात बोलले..
मुलाखत 25 26 जुलै रोजी वाचता पहाता येईल. pic.twitter.com/y8SSoAFlhV— Sanjay Raut (@rautsanjay61) July 20, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
