मुंबई | महाराष्ट्र विधानसभेचे विरोधी पक्षनेते आणि माजी मुख्यमंत्री देवेंद्र फडणवीस हे कोरोनामुक्त झाले आहेत. आज (४ नोव्हेंबर) त्यांना रुग्णालयातून डिस्चार्ज देण्यात आला आहे. २४ ऑक्टोबरला त्यांची कोरोना चाचणी पॉझिटिव्ह आली होती. त्यानंतर ते या आधी जेम्हणाले होते त्याप्रमाणे सरकारी रुग्णालयात उपचारासाठी दाखल झाले होते. सेंट जॉर्ज रुग्णालयात दाखल झाले होते आणि आज त्यांना डिस्चार्ज दिला आहे. दरम्यान, डॉक्टरांनी काही दिवस त्यांना घरीच विश्रांती घेण्यास सांगितले आहे.
देवेंद्र फडणवीस यांनी कोरोना चाचणी पॉझिटिव्ह आल्याचं त्यांनी ट्विट करुन सांगितलं होतं. रुग्णालयाच्या बाहेर येताच देवेंद्र फडणवीस यांनी हात जोडून सगळ्यांना अभिवादनही केलं. त्यांच्यासोबत त्यांचे सहकारी आणि माजी मंत्री गिरीश महाजनही होते. त्यामुळे लवकरच ते पुन्हा कामातून सक्रिय होतीलच. तसेच, काही दिवसांपुर्वी उपमुख्यमंत्री अजित पवार यांनाही कोरोना झाला होता आणि त्यांनाही रुग्णालयातून डिस्चार्ज देण्यात आला आहे.
लॉकडाऊन सुरू झाल्यापासून आलेला प्रत्येक दिवस हा कार्यरत राहण्यात गेला. पण आता काही काळ विश्रांती घेतली पाहिजे, अशी परमेश्वराची इच्छा असावी.
माझी कोविड चाचणी पॉझिटिव्ह आली असून मी स्वतःला आयसोलेट केले आहे. डॉक्टरांच्या सल्ल्यानुसार औषधोपचार घेतो आहे.— Devendra Fadnavis (@Dev_Fadnavis) October 24, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
