मुंबई | पेट्रोल-डिझेलचे भाव गगनाला भिडल्याने सध्या सर्वसामान्यांचे प्रचंड हाल होत आहेत. राज्यावर असा इंधन दरवाढीचा प्रचंड भार असताना आता ‘राज्य वीज नियामक आयोगा’ने राज्यातील जनतेला आणखी एक मोठा दणका दिला आहे. महावितरणची वीज महागल्याने आता राज्यातील जनतेवर आणखी जास्त भार पडणार आहे.
आंतरराष्ट्रीय बाजारात कच्च्या तेलाचे भाव कडाडल्याने देशातील तेल कंपन्यांकडून इंधन दरवाढ मोठ्या प्रमाणात करण्यात आली होती. आता राज्यात वीजदेखील महागल्याने सामान्यांच्या अडचणीत आणखीच वाढ झाली आहे. राज्यात शेतीसाठी दिल्या जाणाऱ्या विजेचा दर सध्या ३.३५ रुपये प्रती युनिट इतका आहे. त्यात वाढ होऊन तो आता ३.५५ रुपये इतका करण्यात आला आहे. त्याचप्रमाणे घरगुती वापरासाठीच्या विजेचे दरही वाढवण्यात आले असल्याची माहिती एमईआरसीचे प्रमुख आनंद कुलकर्णी यांनी दिली.
घरगुती वापरसाठीच्या विजेचा दर १०० युनिटपर्यंत ५.०७ रुपये प्रती युनिट आणि १०१ ते ३०० युनिटपर्यंतचा दर ८.७४ रुपये प्रती युनिट होता. जो आता अनुक्रमे ५.३१ रुपये प्रती युनिट आणि ८.९५ रुपये प्रति युनिट होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
