शनिशिंगणापूर | गुजरातच्या अहमदाबाद येथील एका शनी भक्तांकडून सुमारे १९ लाख रुपये किंमतीचा सोने व चांदी पासून घडविलेला कलश शनीचरणी बुधवारी सायंकाळी शनीचरणी अर्पण करण्यात आला. ५१० ग्रॅम सोने व ४२९० ग्रॅम चांदीचा वापर करुन हा कलश तयार करण्यात आला आहे. परंतु दान करणा-या भक्ताने नाव गुप्त ठेवले आहे.
बुधवारी सायंकाळच्या महाआरतीनंतर हा कलश चौथ-यावर ठेवण्यात आला आहे. कलश अर्पण करणा-या भक्ताचे नाव प्रसिद्धी माध्यमांना सांगण्यात आले नसले तरी देवस्थानाकडून शाल, श्रीफळ आणि शनिदेवाची प्रतिमा देऊन त्या भक्ताचा सन्मान करण्यात आला आहे. या सन्मानाला उत्तर देताना त्या शनीभक्ताने सांगितले शनीदेवाच्या दर्शनानंतर मला एक ऊर्जा मिळते, वेगळे समाधान मिळते मी गेले १५ वर्षे या ठिकाणी दर्शनासाठी येतो. देवस्थानाने भक्तांना उत्तम सुविधा दिल्या आहेत. समाज कार्यांतही देवस्थान ट्रस्टचा उल्लेखनीय सहभाग असल्याचे त्या भक्ताने यावेळी बोलताना सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
