मंचर | उपजिल्हा रुग्णालयाच्या कार्यक्रमात शिवसेनेचे उपनेते माजी खासदार शिवाजीराव आढळराव पाटील यांनी बैलगाडा शर्यतीचा विषय काढला. ते म्हणाले, ‘‘बैलगाडा शर्यती सुरू झाल्या पाहिजेत. त्यासाठी आपणही आंदोलनाच्या भूमिकेवर ठाम आहोत. वळसे पाटील व मी एकत्र आल्याशिवाय बैलगाडा शर्यत प्रश्न मार्गी लागणार नाही. बैलगाडा मालकांना मी सांगितले होते की, वळसे पाटील यांची भेट घेऊन तारीख निश्चित करून त्यांच्या उपस्थितीत आपण बैलगाडा मालकांच्या बैठकीचे आयोजन करू.’’
पुढच्या काळात नव्याने गुन्हे दाखल होणार नाहीत, याची काळजी घ्यावी
‘‘बैलगाडा मालकांवर विविध पोलिस ठाण्यात दाखल झालेले गुन्हे लवकरच मागे घेण्याचा निर्णय राज्य सरकार घेणार आहे. गुन्हे मागे घेतले जातात म्हणून कोणी कायदा हातात घेऊ नये. कायदा, सुव्यवस्था व शांतता टिकवण्याचे काम सर्वांनी करावे. या पुढच्या काळात नव्याने गुन्हे दाखल होणार नाहीत, याची काळजी घ्यावी,’’ असा सूचक इशाराही गृहमंत्री दिलीप वळसे पाटील यांनी दिला.
यासंदर्भात वळसे पाटील म्हणाले, ‘‘बैलगाडा शर्यती सुरु होण्याबाबत कोणीही राजकारण करू नये. सर्व पक्ष व नेते यांचा बैलगाडा शर्यतींना पाठिंबा आहे. राज्य व केंद्र सरकारही आपल्या बरोबरच आहे. खरी अडचण अशी आहे की, केंद्र सरकारने बैलाचा समावेश संरक्षण प्राण्यांमध्ये केला आहे. काही संस्था न्यायालयात गेल्या असून, त्यांनी बैलगाडा शर्यतीला स्थगिती दिली आहे. सर्वोच्च न्यायालयात असलेली सुनावणी व निर्णय झाल्याशिवाय बैलगाडा शर्यतचा प्रश्न सुटणार नाही. त्यापूर्वी केंद्र सरकारने संरक्षित प्राण्यांच्या यादीतून बैलाला वगळले पाहिजे. याबाबत खासदार डॉ. अमोल कोल्हे हे प्रयत्न करत आहेत. सर्वोच्च न्यायालयात पाच न्यायाधीशांच्या खंडपीठापुढे तातडीने सुनावणी होण्यासाठी राज्य सरकारच्या वतीने सर्वोच्च न्यायालयात अर्जही दाखल केला आहे.’’
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
