“ओळखा पाहू कोण?” अमृता फडणवीसांची नाव न घेता मुख्यमंत्र्यांवर बोचरी टीका

मुंबई । माजी मुख्यमंत्री देवेंद्र फडणवीस यांच्या पत्नी अमृता फडणवीस या कायमच ठाकरे सरकारवर बोचऱ्या टीका करताना पाहायला मिळतात. याच पार्श्वभूमीवर, अमृता फडणवीस यांनी पुन्हा एकदा मुख्यमंत्र्यांसह आणि ठाकरे सरकारवर देखील जोरदार टीकास्त्र सोडले आहे. अमृता फडणवीस यांनी ट्विटरच्या माध्यमातून नाव न घेता उद्धव ठाकरेंवर निशाणा साधला आहे.

अमृता फडणवीस यांनी मुख्यमंत्र्यांवर निशाणा साधत ट्विट केले आहे की, “ओळखा कोण? एक राजा जो उंबरठा ओलांडत नाही, जनतेला भेट नाही आणि सत्य, कर्माच्या मार्गाने जात नाही. वसुलीशिवाय त्याचं काहीच काम होत नाही. महासाथीचा कहर तो सांभाळू शकत नाही आणि प्रगतीचं फूल ज्याच्या छायेखाली फुलत नाही” असे कोडे घालत अमृता यांनी उद्धव ठाकरेंवर नाव न घेता निशाणा साधला आहे.

पहचान कौन?

एक राजा जो-

महल की चौखट से निकलता नही

अवाम से कभी मिलता नही

सत्य और कर्म की राह पर चलता नही

वसूली के बिन उसका पत्त्ता हिलता नही

महामारी का कहर उससे सम्हलता नही

प्रगति का फूल उसकी छाया में खिलता नही !

सच है, धोखा कभी फलता नही।

क्या आपका खून ऐसे राजा को देख खौलता नही?

— AMRUTA FADNAVIS (@fadnavis_amruta) April 8, 2021

अमृता फडणवीस यांच्या ट्विटची जोरदार चर्चा सुरू आहे. यापूर्वीही नुकताच अमृता फडणवीस यांनी लसीकरणाच्या मुद्द्यांवरून निशाणा साधला होता. “आज मला माझ्या आयुष्यात पहिल्यांदाच माझं वय ४५ वर्षे किंवा अधिक हवं होतं असं वाटत आहे. कोरोनाच्या लसीकरणाची वाट पाहत आहे. कोरोना अधिक भयावह आहे”, असे ट्विट अमृता यांनी काहीच दिवसांपूर्वी केले होते