मुंबई | मराठा क्रांती ठोक मोर्चाने आज (शनिवार) दुपारी यशवंतराव चव्हाण केंद्र या ठिकाणी बैठक घेतली होती. या बैठकीत २० नोव्हेंबरपासून आझाद मैदानात बेमुदत उपोषणास बसण्याचा निर्णय जाहीर केला आहे. २० नोव्हेंबरपर्यंत राज्य सरकारने मराठा समाजाच्या आरक्षणाची घोषणा केली नाही तर २१ तारखेपासून राज्यभर तीव्र आंदोलनाला सुरुवात होईल, अशी माहिती मोर्चाचे समन्वयक नानासाहेब जावळे पाटील यांनी दिली आहे.
सरकारने मराठा समाजाला जी आश्वासने दिली आहेत. त्यावर अद्याप मुख्यमंत्र्यांनी कोणतीही अधिकृत अशी भूमिका जाहीर केलेली नाही. सरकारने दिलेले आश्वासनांत आरक्षण वैधानिक कार्यवाही १५ नोव्हेंबरपर्यंत पूर्ण करण्याचे मान्य केले होते. तसेच गरज पडल्यास मुख्यमंत्र्यांनी विशेष अधिवेशन बोलवू, असे पत्रकार परिषद घेऊन सांगितले होते. मात्र सरकारला त्याचा विसर पडल्याचे दिसत असल्याचा आरोप लोक मोर्चा समन्वयक आबासाहेब पाटील यांनी केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
