मुंबई | राज्यात मराठा समाजाकडून गेल्या काही दिवसांपासून आरक्षणासाठी आंदोलन सुरु आहे. आज सकल मराठा समाजाकडून राज्य सरकारला अल्टीमेटम देण्यात आला आहे. येत्या दोन दिवसात मराठा आरक्षणाबाबत सरकाराने ठोस निर्णय न घेतल्यास १ ऑगस्टला जेलभरो आंदोलन करण्यात येईल असा इशार सकल मराठा समाजाकडून सरकारला देण्यात आला आहे. शनिवारी सकल मराठा समाजाची मुंबईमध्ये महत्त्वाची बैठक पार पडली. या बैठकीत सरकारला अल्टीमेटम देऊन जेल भरो आंदोलनाचा इशारा देण्यात आला आहे. सरकारकडून मराठा आरक्षणाबाबत चालढकल करण्यात येत असल्याने मराठा क्रांती मोर्चाचे कार्यकर्ते सध्या आक्रमक झाले आहेत.
मुंबई बंदच्या पार्श्वभूमीवर सकल मराठा समाजातील कार्यकर्त्यांकडून मुंबईसह ठाणे व इतर ठिकाणी जाळपोळ आणि तोडफोड करण्यात आली. त्यानंतर राज्य सरकारने आंदोलकांवर गुन्हे दाखल केले आहेत. त्यामुळे सकल मराठा महामुंबईकडून सरकारला दोन दिवसांचा अल्टीमेटम देण्यात आला आहे. आंदोलकांवर दाखल केलेले खोटे गुन्हे मागे घ्या, लाठीमार करणाऱ्या पोलिसांवर कारवाई करा, अशी मागणी सकल मराठा समाजाने केली आहे. तसेच मुख्यमंत्री देवेंद्र फडणवीस आणि महसूलमंत्री चंद्रकांत पाटल यांनी मराठा समाजाची माफी मागावी, अशीही मागणी या महामुंबईतील बैठकीत करण्यात आली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
