HW News Marathi
महाराष्ट्र

मुंबई उच्च न्यायालयाचे मुख्य न्यायाधीश म्हणून न्या. नरेश पाटील यांच्या नेमणुकीची शिफारस ?

मुंबई | मुंबई उच्च न्यायालयाचे आताचे प्रभारी मुख्य न्यायाधीश न्या. नरेश पाटील यांची मुंबई उच्च न्यायालयाचे मुख्य न्यायाधीश म्हणून नेमणूक करण्याची शिफारस सर्वोच्च न्यायालयाच्या कॉलेजियमने काल (शुक्रवारी) केली आहे. मुंबई उच्च न्यायालयात मुख्य न्यायाधीश नेमताना बाहेरच्या राज्यातील न्यायाधीश नेमण्याची पद्धत आहे. मात्र न्या. नरेश पाटील यांची नेमणूक याला अपवाद आहे.

सर्वोच्च न्यायालयाच्या कॉलेजियमने न्या. नरेश पाटील यांची मुंबई उच्च न्यायालयात मुख्य न्यायाधीश म्हणून नेमणुकीसाठी त्यांची शिफारस केली आहे. यासाठी कॉलेजियमने मेमोरेंडम आॅफ प्रोसिजरमधील तरतुदीचा आधार घेतला आहे. मुंबई उच्च न्यायालयाला आपल्याच न्यायाधीशांपैकी एक मुख्य न्यायाधीश म्हणून लाभण्याची ही दुसरी वेळ आहे.

न्या. नरेश पाटील हे आॅक्टोबर २००१ पासून मुंबई उच्च न्यायालयात न्यायाधीश म्हणून काम करीत आहेत. काही महिने न्या. विजया ताहिलरामाणी प्रभारी मुख्य न्यायाधीश होत्या. मात्र त्यांची मद्रासला मुख्य न्यायाधीश म्हणून बदली झाल्यानंतर न्या. पाटील यांना प्रभारी मुख्य न्यायाधीश पदी नेमण्यात आले होते. याआधी १९९४ साली देखील मुंबई उच्च न्यायालयाच्या न्या. सुजाता मनोहर यांना राज्याच्या मुख्य न्यायाधीश पदी नेमले होते.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

जयंत पाटलांचा सासरवाडीत पराभव, भाजपचा एकतर्फी विजय

News Desk

राज्यात काल नव्या कोरोना रुग्णांची संख्या घटली, राज्यात काल 2, 696 नवीन कोरोनाबाधित रुग्णांची नोंद!

News Desk

उस्मानाबाद-बीड विधानपरिषदेची तात्काळ मतमोजणीचे आदेश

News Desk