मुंबई | कोरोनाच्या पार्श्वभूमीवर पंतप्रधान मोदींनी देशात लागू केलेला २१ दिवसांचा लॉकडाऊन १४ एप्रिलला संपणार आहे. मात्र, त्यानंतर काय ? असा प्रश्न गेले अनेक दिवस विचारला जात होता. याच पार्श्वभूमीवर, राज्याचे मुख्यमंत्री उद्धव ठाकरे यांनी आज (११ एप्रिल) महाराष्ट्रात १४ एप्रिलनंतरही लॉकडाऊन कायम राहणार असल्याचे जाहीर केले आहे. राज्यात पुन्हा १४ एप्रिलपासून ते ३० एप्रिलपर्यंत लॉकडाऊन असणार असल्याची अधिकृत घोषणा मुख्यमंत्र्यांनी केली आहे. राज्यातील ‘कोरोना’रुग्णांची वाढती आकडेवारी पाहता हा निर्णय घेण्यात आला आहे. राज्यासाठी ही आताची अत्यंत मोठी आणि महत्त्वाची बातमी आहे.
"१४ नंतर ३० एप्रिल पर्यंत हा लॉकडाऊन राहील पण १४ नंतर साधारणतः काय करणार याच्या सूचना मग शाळा आणि विद्यापीठांच्या परीक्षा, उद्योगधंद्यांच काय होणार याची सगळ्यांची उत्तरे मी आपल्याला १४ तारखेपर्यंत देणार आहे."
-मुख्यमंत्री उद्धव बाळासाहेब ठाकरे— CMO Maharashtra (@CMOMaharashtra) April 11, 2020
“आपल्याला ही लढाई जिंकायचीच आहे”, असेही मुख्यमंत्र्यांनी सांगितले आहे. पंतप्रधान नरेंद्र मोदींची आज देशातील सर्व राज्यांच्या मुख्यमंत्र्यांशी व्हिडीओ कॉन्फरन्सिंगच्या माध्यमातून कोरोनाच्या पार्श्वभूमीवर सविस्तर चर्चा झाली. यावेळी मुख्यमंत्री उद्धव ठाकरे यांनी महाराष्ट्रातील लॉकडाऊन आणखी वाढविण्याची आवश्यकता व्यक्त केली आहे. त्याचप्रमाणे, शाळा-महाविद्यालये यांसह अन्य सर्व परीक्षा व उद्योगधंद्यांबद्दलची सर्व उत्तर ही १४ एप्रिलनंतर देणार असल्याचेही मुख्यमंत्र्यांनी यावेळी सांगितले. तुम्ही खबरदारी घ्या आम्ही जबाबदारी घेतो, असे आवाहनही मुख्यमंत्र्यांनी यावेळी राज्यातील जनतेला केला.
आता जे रुग्ण वाढतात त्यात प्रामुख्याने ज्याला आपण कँटोनमेंट एरिया म्हणतो आणि आपण तो भाग Quarantine सारखा केला आहे. मग जे रुग्ण आपल्याला सापडले ते आधी कोणाला भेटले, नंतर किती जणांना भेटले याची तपासणी महापालिका त्यांच्या घरोघरी जाऊन करते.
— CMO Maharashtra (@CMOMaharashtra) April 11, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
