पुणे | काही दिवसापूर्वी मनसे अध्यक्ष राज ठाकरे यांनी त्यांच्या फेसबुक पेजवर एक व्यंगचित्र काढले होते. या व्यंगचित्रात राज ठाकरे यांनी जी भिती दर्शवली होती. तिच भिती अखेर खरी ठरली आहे. पुण्यातील एका लष्करी बांधकामाच्या साईटवरून एटीएसने पुणे मॉड्यूलचा भाग असणाऱ्या राज मंडळ ह्या ३१ वर्षाच्या तरुणाला अटक केली असून तो या लष्करी साईटवर पर्यवेक्षक म्हणून कामाला होता.
एटीएसने तपासणी केल्यानंतर कळाले की, हा गेल्या २ वर्षापासून पुण्यात स्थायी असल्याची माहिती एटीएसने दिली आहे. तर चार साथीदारांची नावे सांगितली असून यांचा शोध एटीएस करत आहेत.
बांगलादेशातील अनसरुल्लाह बांगला ‘एटीबी’ ही दहशतवादी संघटनेचा संबंध‘अल कायदा’ या संघटनेशी असल्याचे कळाले आहे. भारतीय गुप्तचर यंत्रणा सहित सर्व राज्यातील एटीएस पथकाच्या मदतीने भारतात ‘एटीबी’ या दहशवादी संघटनेची पाळेमुळे कितपत पसरली आहेत याचा शोध घेणार आहेत.
एटीएसने केलेल्या उलट तपासणीत त्याने अनेक साथीदार जोडले असल्याची माहिती पुढे आली आहे. त्याने उलट तपासणीत त्याच्या आणखी चार साथीदारांची नावे उघड केली आहेत. हा बांगलादेशी तरुण गेली २ वर्ष महाराष्ट्रात तळ ठोकून होता आणि तो ‘एटीबी’ च्या संबंधित अतिरेक्यांना सर्व प्रकारची मदत पुरवत होता.
विशेष म्हणजे काही दिवसांपूर्वी मनसे अध्यक्ष राज ठाकरे यांनी त्यांच्या अधिकृत फेसबुक पेजवर एक व्यंगचित्र प्रसिद्ध केलं होत. त्यामध्ये मोदी सरकारला हाच धोक्याचा इशारा देऊन सतर्क करण्याचा प्रयत्नं केला होता. त्या व्यंगचित्रात त्यांनी आधी खरा धोका कुठला आहे हे दाखवले होते ज्यामध्ये बांगलादेशी आणि पाकिस्तानी घुसखोरच भारताचा खरा धोका आहेत हे मोदीसरकारला पटवून देण्याचा प्रयत्न केला होता. कारण गेल्या अनेक वर्षांपासून सरकार देशातील मुस्लिमांशी संबंधित नको त्या विषयात अधिक गुंतले होते आणि मूळ धोका काय आहे त्याकडेच दुर्लक्ष झालं होत.
https://www.facebook.com/RajThackeray/photos/a.231227950741695.1073741829.165370377327453/289939131537243/?type=3
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
