नवी दिल्ली : रेल्वे स्थानकांच्या सौंदर्यीकरण स्पर्धेत महाराष्ट्रातील दोन रेल्वे स्थानकांनी प्रथम क्रमांक पटकावला आहे. चंद्रपूर आणि बल्लारशाह या दोन स्थानकांना या स्पर्धेत प्रथम पारितोषिक विभागून देण्यात आले आहे. बुधवारी रेल्वेमंत्री पियुष गोयल यांनी ही घोषणा केली आहे.
विदर्भातील प्रसिद्ध ताडोबा राष्ट्रीय उद्यान आणि स्थानिक आदिवासी कलेच्या आधारे पेंटिग्ज, मूर्तींच्या कलाकृती तसंच भित्तीचित्रांचा वापर करत मध्य रेल्वेच्या नागपूर विभागाने दोन स्थानकांचे सौंदर्यीकरण केलेले आहे.
रेल्वे स्थानकांच्या सौंदर्यीकरण स्पर्धेत बिहारच्या मधुबनी स्थानकाला तसेच तामिळनाडूमधील मदुराई स्थानकाला दुसरा क्रमांक देण्यात आला आहे. त्याचबरोबर गुजरातमधील गांधीधाम, राजस्थानमधील कोटा आणि तेंलगणामधील सिंकदराबाद स्थानकांना तिसरा क्रमांक मिळाला आहे. या स्पर्धेत प्रथम क्रमांकाला १० लाख रुपये, द्वितीय क्रमांकाला ५ लाख रुपये तर तृतीय क्रमांकाला ३ लाख रुपये पुरस्काराच्या स्वरुपात देण्यात येणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
