रत्नागिरी | दापोली-खेड मार्गावर शुक्रवारी (२८ डिसेंबर) भीषण अपघात झाला आहे. डंपर आणि मॅक्झिमोची धडक झाल्याने हा अपघात झाल्याची माहिती मिळाली आहे. नारपोली गावाजवळील वळणावर हा भीषण अपघात झाला आहे. या अपघातात पाच जणांचा मृत्यू झाल्याची माहिती मिळाली आहे. तीन जण जखमी झाले असून जखमींना उपचारासाठी तातडीने रुग्णालयात दाखल करण्यात आले आहे.
शेलार नामक चालक मॅक्झिमो गाडीतून प्रवासी घेऊन दापोलीकडून खेडकडे येत होता. नारगोली इंद्रधनू बागेजवळ एका गाडीला ओव्हरटेक करताना मॅक्झिमो आणि डंपरची टक्कर झाली. या अपघातात मधुकर गंगाराम कांबळे, जगदिश शांताराम पारदुले, मॅक्झिमो चालक शेलार, महमिदा शेख यांच्यासह अन्य एक महिला असे एकूण पाच जण जागीच ठार झाले.
मृतांमध्ये २ महिला आणि ३ पुरुषांचा समावेश झाला असून यात मधुकर कांबळे दापोली नगर पंचायतीचे कर्मचारी आहेत. या अपघातात निलेश पवार आणि संदीप पावसकर हे दोघेजण गंभीर जखमी झाले. त्यांना अधिक उपचारासाठी मुंबईच्या केईएम हलवण्यात आले आहे. जखमी निलेश पवार हाही नगर पंचायतीचा कर्मचारी आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
