HW News Marathi
महाराष्ट्र

महानगरपालिकेच्या रुग्णालयांना होणारा औषधपुरवठा उद्यापासून बंद

मुंबई | मुंबई महानगरपालिकेच्या रुग्णालयांना औषध पुरवठा बंद करण्याचा निर्णय ‘ऑल फूड अँड लायसन्स होल्डर फाऊंडेशन’ने घेतला आहे. त्यामुळे उद्यापासून (२७ जून) एकूण ४४ औषध पुरवठादार कंपन्यांकडून महानगरपालिकेच्या रुग्णालयांना औषध पुरवठा बंद होणार असल्याची माहिती मिळत आहे. महानगरपालिकेकडून काहीच दिवसांपूर्वी औषध पुरवठादारांना ब्लॅकलिस्टमध्ये टाकण्यात आले होते. याप्रकरणी टेंडरचे सर्व नियम पाळूनही या औषध पुरवठादार कंपन्यांना ब्लॅकलिस्ट केल्याचा आरोप ‘ऑल फूड अँड लायसन्स होल्डर फाऊंडेशन’ने केला आहे. त्यामुळे, या फाऊंडेशनने मुंबई महानगरपालिकेच्या रुग्णालयांना औषध पुरवठा बंद करण्याचा निर्णय घेतला आहे.

मेडिको प्रा.लि. या औषध पुरवठादार कंपनीने उशिराने औषध पुरवठा केला. त्याप्रकरणी १५ लाखांचा दंड भरूनही तसेच टेंडरचे सर्व नियम पाळूनही पुरवठादार कंपन्यांना ब्लॅकलिस्ट करण्यात आले, असे म्हणत ‘ऑल फूड अँड लायसन्स होल्डर फाऊंडेशन’ने महानगरपालिकेवर आरोप केले आहेत. याप्रकरणी, या फाऊंडेशनने महापालिका आयुक्तांची भेट देखील घेतली. मात्र, काहीही तोडगा निघू शकलेला नाही. त्यामुळे, या औषध पुरवठादार कंपन्यांनी पालिकेच्या रुग्णालयांना औषध पुरवठा न करण्याचा निर्णय घेतला आहे. दरम्यान, पुरवठादार कंपन्यांच्या या निर्णयामुळे रुग्णांचे मात्र मोठे हाल होणार आहेत.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

भाजपला जडला महाराष्ट्राचा अवमान करण्याचा रोग!

News Desk

अनिल देशमुखांवरुन राणे पिता-पुत्रांचा मुख्यमंत्र्यांवर निशाणा, केली राजीनाम्याची मागणी

swarit

साकीनाका बलात्कार प्रकरण, रामदास आठवले पीडितेच्या कुटुंबीयांना भेटणार, RPIतर्फे 1 लाख रुपयांची मदत!

News Desk