मुंबईच्या भेंडीबाजार भागातील पाकमोडिया स्ट्रीटवर हुसैनीवाला बिल्डिंग कोसळण्याची दुर्घटना दूदैवी असून या घटनेस म्हाडा प्रशासनच जबाबदार असल्याचा आरोप विधानपरिषदेचे विरोधीपक्ष नेते धनंजय मुंडे यांनी केला. मुंडे यांनी तातडीने भेंडीबाजार येथील जाऊन दुर्घटनाग्रस्त इमारतीची पाहणी करत जखमींची भेट घेतली. यावेळी आमदार किरण पावसकर, आमदार राहुल नार्वेकर, स्थानिक आमदार अमीन पटेल उपस्थित होते.
म्हाडाने एसबीयुटी ला पुनर्विकासाची जबाबदारी दिली असली तरी काम होते का नाही हे पाहण्याची अंतिम जबाबदारी म्हाडाचीच होती. त्यामुळे म्हाडा स्वतःची जबाबदारी झटकू शकत नाही. मुंबईतील धोकादायक इमारतीचा 25-25 वर्ष पुनर्विकास विकास होत नसल्याने भाडेकरू जागा सोडत नाही. निश्चित काळात पुनर्विकास करण्याचे धोरण ठरले पाहिजे अशी मागणीही मुंडे यांनी केले.
भाडेकरूंना इमारत परिसरातील भागातच संक्रमण शिबीरात घरे उपलब्ध करून दिली पाहिजेत. शासनाने स्वतःच्या ड्रीम प्रोजेक्ट पेक्षा धोकादायक इमारतीच्या पुनर्विकासाकडे आणि नागरिकांच्या जीवाकडे अधिक लक्ष दिले पाहिजे घटनेतील मृतांच्या नातेवाईकांना 10 लाख रु तर जखमींना 2 लाखाची मदत द्यावी अशी मागणीही त्यांनी केली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
