मुंबई । विधानसभेचे विरोधी पक्षनेते देवेंद्र फडणवीस यांच्यानंतर आता माजी कृषी राज्यमंत्री सदाभाऊ खोत यांनीही भाजप आमदार गोपीचंद पडळकर यांना संरक्षण देण्याची मागणी सरकारकडे केली आहे. “गोरगरिबांचे आणि बहुजनांचे प्रश्न घेऊन महाविकास आघाडी सरकारविरोधात आवाज उठवत असल्याने पडळकरांवर ल्ला केला जात आहे. राष्ट्रवादीकडून हा हल्ला घडवून आणण्यात येत आहे. तसंच, पडळकरांच्या जीवाला धोका असून त्यांना संरक्षण देण्यात यावं. ती सरकारची जबाबदारी आहे”, असं सदाभाऊ खोत यांनी म्हटलं आहे. त्याचसोबत, यापुढे राष्ट्रवादीची गुंडागर्दी सहन केली जाणार नाही, असा इशाराही खोत यांनी दिला.
रविवारी (७ नोव्हेंबर) सांगलीमध्ये एक मोठं प्रकरण घडलं. सांगली जिल्हा मध्यवर्ती बँक निवडणुकीच्या पार्श्वभूमीवर जिल्ह्यात वातावरण चांगलंच तापलं. उमदेवार पळवापळीवच्या मुद्द्यावरुन पडळकर विरुद्ध शिवसेना-राष्ट्रवादी गटात तुफान वाद झाला. त्यात गोपीचंद पडळकरांच्या गाडीची तोडफोड करण्यात आली. हा हल्ला शिवसेना आणि राष्ट्रवादीच्या कार्यकर्त्यांनी केल्याचा आरोप आहे. ह्यात पडळकरांच्या ताफ्यातील एक गाडी फुटली तर त्यांचे काही कार्यकर्तेदेखील जखमी झाले.
सदाभाऊ काय म्हणाले?
“गोपीचंद पडळकर हे गोरगरिबांचे आणि बहुजनांचे प्रश्न मांडतात. म्हणून राष्ट्रवादीने त्यांच्यावर हल्ला घडवून आणला आहे. मात्र, यापुढे ही गुंडागर्दी सहन केली जाणार नाही. भविष्यात पडळकरांच्या जीविताला धोका असल्याने त्यांना तत्काळ संरक्षण देण्यात यावं,” अशी मागणी आमदार सदाभाऊ खोत यांनी केली.
पडळकरांच्या केसालाही धक्का लागला तर…!
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
