तुळजापूर तालूक्यातील तडवळा शिवारात विहिरीत पकडलेल्या मुलाला वाचवण्यासाठी गेलेल्या मातेचा विहिरीत बुडून मृत्यू झाल्याची घटना घडली आहे. हि घटना रहिवारी सकाळी घडली आहे. राधाबाई पुंडलीक मेथे (३६) असे महिलेचे नाव आहे.

नांदेड जिल्ह्यातील तादळी येथील राधाबाई पुंडलिक मेथे या ऊसतोड कामगार असून, तुळजापूर तालुक्यातील तडवळा शिवारात विजयकुमार कुलकर्णी यांच्या शेतात ऊस तोडणीसाठी आल्या होत्या. रविवारी सकाळी त्या त्यांचा १३ वर्षीय मुलगा बालाजी यास घेऊन शेतातील विहिरीजवळ धुणे धुण्यासाठी गेल्या होत्या. यावेळी बालाजी हा विहिरीच्या कडेला अंघोळ करत असताना तोल जावून बालाजी विहिरीत पडल्यानेतो बुडू लागला. हे पाहून राधाबाई त्याला वाचविण्यासाठी विहिरीकडे गेल्या. त्यांनी मुलाला कसेबसे वाचविले, मात्र त्या स्वत: पाय घसरून विहिरीत पडल्यामुळे त्यांचा बुडू लागल्या. आई पाण्यात बुडत असल्याचे पाहुन बालाजीने अरडाओरडा केला जवळ असलेल्या नातेवाईकांनी विहिरीकडे धाव घेतले मात्र तोपर्यंत उशीर झाला होता. ,त्यांनी महिलेला विहिरीतून बाहेर काढले मात्र त्या महिलेचा मृत्यू झाला होता. लोकांनी पोलिसांनी दिली दिल्यानंतर पोलिसांनी घटनास्थळी भेट देवून पंचनामा केला असून प्रेत शवविच्छेदनासाठी रूग्णालयात पाठवले.