नागपूर | मल्टिप्लेक्समध्ये सिनेमा पाहायला जाणाऱ्यांना बाहेरील पदार्थ नेण्यास कोणीही अडवू शकत नाही. कोणी अडवण्याचा प्रयत्न केला तर, त्यांच्यावर कारवाई केली जाईल, अशी माहिती अन्न व नागरी पुरवठा राज्यमंत्री रविद्र चव्हाण यांनी दिली आहे. राज्य सरकारच्या या निर्णयामुळे मल्टिप्लेक्समध्ये सिनेमा पाहायला जाणाऱ्यांना मोठा दिलासा मिळाला आहे. पुढे मल्टिप्लेक्समधील महागडे पदार्थ घेण्याची गरज भासणार नाही. राज्य सरकारच्या या निर्णयामुळे बाहेरचे पदार्थ देखील मल्टिप्लेक्समध्ये नेता येणार आहे.
विधानपरिषधेतचे विरोधी पक्ष नेते धनंजय मुंडे यांनी लक्षवेधीच्या माध्यमातून मल्टिप्लेक्स, महामार्गातवरील फुडमॉल व मॉलमध्ये बाहेरील खाद्यपदार्थ खाण्यास घालण्यात येणारी बंदी आणि त्यांचाकडील अव्वाच्या सव्वा किंमतीने खाद्यपदार्थांचीव विक्रीकडे सरकारचे लक्ष वेधले होते. मुंडे यांच्या प्रश्नांचे उत्तर देताना मल्टिप्लेक्सच्या विरोधात राज्य सरकारने निर्णय घेतला असल्याचे चव्हाण यांनी सांगितले.
गेल्या महिन्याभरापुर्वी मल्टिप्लेक्सच्या मनमानी कारभाराचा निषेध व्यक्त करण्यासाठी महाराष्ट्र नवनिर्माण सेनेच्या कार्यकर्त्यांनी सिनेमागृहाच्या व्यवस्थापक आणि कर्मचाऱ्यांना मारहाण केली होती. पुण्यातील सेनापती बापट रस्त्यावर असलेल्या पीव्हीआरमध्ये या सिनेमागृहात ५ रुपयांचे पॉपकॉर्न २५० रुपयांना का विकता अशी विचारणा करत मनसे कार्यकर्त्यांनी मारहाण केली. यात मनसेचे उपाध्यक्ष रमेश परदेशी आणि पुण्यातील मनसे कार्यकर्त्यांचा समावेश होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
