मुंबई । राष्ट्रवादी काँग्रेसचे सरचिटणीस अमोल मिटकरी यांनी भाजप नेते आणि माजी वनमंत्री सुधीर मुनगंटीवार यांच्यावर अत्यंत गंभीर आरोप केले आहेत. “मुनगंटीवार यांनी राज्यातील ३३कोटी वृक्ष लागवडीच्या उपक्रमात मोठा भ्रष्टाचार केला असून त्याच पैशांतून त्यांनी तब्बल ५०० कोटींचा बंगला बांधला आहे”, असा गंभीर आरोप अमोल मिटकरी यांनी एका कार्यक्रमात बोलताना केला. दरम्यान, मिटकरी यांच्या या आरोपानंतर मुनगंटीवार यांनी अद्याप कोणतीही प्रतिक्रिया दिलेली नाही.
अमोल मिटकरी यांनी मुनगंटीवारांच्या या भ्रष्टाचाराची चौकशी व्हावी अशी मागणी देखील केली आहे. यावेळी “राज्यातील ३३ कोटी वृक्ष लागवडीत केलेल्या भष्ट्राचाराच्या पैशातून मुनगंटीवार यांनी ५०० कोटींचा बंगला बांधला. मी स्वतः त्यांचा तो बंगला पाहिला आहे”, असा दावा देखील यावेळी मिटकरी यांनी केला. यापुढे बोलताना, “मुनगंटीवार यांच्या त्या बंगल्याच्या ५ मजल्यावर पार्किंग असून त्यांच्या रोपट्यांना सुद्धा एसीची हवा मिळते”, अशी बोचरी टीका देखील मिटकरी यांनी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
