नाशिक | नाशिक महापालिका आयुक्त तुकाराम मुंढे यांच्याविरुद्ध करवाढीचा मुद्दा पुढे करत भाजपमधील काही नगरसेवक अविश्वासाचा ठराव आणण्याचा प्रयत्न करत आहे. परंतु या अविश्वाच्या ठरावा विरोद्धात आता नाशिककर एकवटले असून याबाबत त्यांनी तीव्र संताप व्यक्त केला आहे. नाशिककर तुकाराम मुंढे यांच्या खंबीरपणाने पाठीशी असून सोशल मीडियाच्या माध्यमातून भाजपच्या अविश्वासाच्या ठरावाला तीव्र विरोध दर्शवित आहेत.
मुंढेंच्या समर्थनार्थ सोशल मीडियावर #wesupportmundhe #nashiksupportsmundhe असे हॅशटॅग्स सुरु आहेत. त्याचप्रमाणे व्हॉट्सअप ग्रुपच्या माध्यमातून देखील तरुणाई आपला संपूर्ण पाठिंबा दर्शविला आहे. सत्ताधारी पक्ष आणि नगरसेवकांमध्ये तुकाराम मुंढेंबद्दल नाराजी असल्याचे कळत आहे.
नवी मुंबई, नागपूर, सोलापूर, पुणे येथील त्यांच्या तडफदार कामाची सामान्य नागरिकांकडून प्रशंसा झाली परंतु नगरसेवक आणि सत्ताधारी पक्ष कायमच यांच्या विरोधात राहिले आहे. परिणामी प्रत्येक ठिकाणाहून त्यांची बदली होत राहिली. ‘मुंढे आम्हाला वेळ देत नाहीत, योग्य तो मान देत नाहीत, उद्धटपणे बोलतात’, अशा नगरसेवकांच्या तक्रारी होत्या. मात्र सामान्य जनता आणि तरुणाईमध्ये मुंढे कायम त्यांच्या कार्यतत्परता आणि प्रामाणिकपणामुळे लोकप्रिय राहिले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
