औरंगाबाद | समन्यायी पाणीवाटपानुसार जायकवाडी धरणात वरच्या धरणांतून ताबडतोप पाणी सोडण्याचे हायकोर्टाच्या आदेशनंतर गोदावरी महामंडळाचे कार्यकारी संचालक अजय कोहिरकर यांनी याबाबत आदेश काढले आहेत. महाराष्ट्र जलसंपत्ती नियमन प्राधिकरणाची सोमवारी (२३ ऑक्टोबर) झालेल्या बैठकीत आदेश देण्यात आला आहे.
या आदेशानुसार जायकवाडी धरणात ऊर्ध्व खोऱ्यातील जलाशयांतून जवळपास ९ टीएमसी पाणी येणार आहे. आदेशाची अंमलबजावणी केव्हा होणार यावर अद्याप माहिती उपलब्ध झाली. मात्र वरच्या धरणातून ९ टीएमसी पाणी सोडल्यानंतर प्रत्यक्षात जवळपास ६ टीएमसी पाणी जायकवाडीत येऊ शकते.
राज्यातील जलसंपत्तीचे विनियमन करण्याकरिता जलसंपत्तीचे कुशल, समन्यायी आणि टिकाऊ व्यवस्थापन वाटप आणि वापर करण्याकरिता महाराष्ट्र जलसंपत्ती नियमन प्राधिकरण अधिनियम २००५ पारित करण्यात आला. राज्यातील भू-पृष्ठावरील, भूगर्भातील पाणी वापराचे नियमन करणे, जलसंपत्तीचे कायदेशीर, समन्यायी आणि शाश्वत व्यवस्थान वाटप करणे, पाणी वापरासाठी दर निश्चित करणे आणि पाणी वापराचे हक्क प्रदान करणे यासाठी हा कायदा आहे.
धरणात ऐवढे पाणी सोडले जाणार
जायकवाडी धरणामध्ये मुळामधून ५४ दलघमी १.९० टीएमसी, प्रवरामधून १०९ दलघमी ३.८५ टीएमसी, गंगापूर धरणातून १७ दलघमी ०.६० टीएमसी, दारणा धरणातून ५७.५० दलघमी २.०४ टीएमसी, पालखेड समुहातून १७० दलघमी ६० टीएमसी असं एकूण २५४ दलघमी (८.९९ टीएमसी) अशा विविध धरणांमून पाणी सोडण्याचे आदेश देण्यात येणार आले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
