मुंबई | गेल्या अनेक दिवसांच्या विश्रांतीनंतर मुंबईत पुन्हा पावसाने जोर धरला आहे. मुंबईत अंधेरी, बोरिवली, जोगेश्वरी, ठाणे, कुर्ला, विक्रोळीसह लालबाग, परळ, दादर तसेच नवी मुंबईतही पावसाचा जोर वाढला आहे. येत्या २४ तासात मराठवाड्यासह मध्य महाराष्ट्रात जोरदार पावसाची शक्यता हवामान खात्याकडून वर्तविली जात आहे. तसेच कोकण आणि विदर्भातही काही ठिकाणी मुसळधार पावसाची शक्यता वर्तविली जात आहे.
हवामानाचा अंदाज – आय.एम.डी @ ०८०० वाजता.@CPMumbaiPolice pic.twitter.com/jCszROVl92
— माझी Mumbai, आपली BMC (@mybmc) August 20, 2018
संपूर्ण राज्यभरात सुरु असलेल्या या पावसामुळे शेतीचे नुकसान होण्याची शक्यता आहे. कोल्हापूर आणि सांगली जिल्ह्यांतील धरण क्षेत्रात सुरु असलेल्या जोरदार पावसामुळे तेथील नदीकाठच्या गावांना सतर्कतेचा इशारा दिला गेला आहे. आजही राज्यात अनेक ठिकाणी मुसळधार पावसाची शक्यता हवामान खात्याकडून वर्तविली गेली आहे.
गेल्या अनेक दिवसांपासून केरळमध्ये सुरु असलेल्या मुसळधार पावसाने निर्माण पूरपरिस्थितीमुळे आतापर्यंत ३८५ जण मृत्युमुखी पडले आहेत. केरळमधील पूरग्रस्तांच्या मदतीसाठी केंद्र सरकारकडून ५०० कोटींची मदत जाहीर करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
