औरंगाबाद | सोशल मीडियावरील तरुणांना संमोहित करून कट्टरवादी बनविण्याचा सनातनचा कट असल्याची माहिती सीबीआयकडून मिळत आहे. तरुणांना संमोहित करणाऱ्या ह्या कटाच्या सूत्रधाराचा शोध सुरु असल्याची माहिती मिळत आहे. डॉ. दाभोळकर, गौरी लंकेश यांच्या हत्येशी असणारा सनातनच्या मंडळींचा संबंध याबाबत सीबीआयकडून हा तपास सुरु आहे.
डॉ. दाभोळकर आणि गौरी लंकेश हत्येप्रकरणी सनातन संस्थेशी संबंधित शरद कळसकर, सचिन अंदुरे, श्रीकांत पांगरकर, रोहित रेगे, नचिकेत इंगळे, अजिंक्य सुरळे या सहा जणांना सीबीआय आणि एटीएसच्या पथकाने ताब्यात घेतले आहे. या सर्वांची संभाषणे, सोशल मीडिया अकाउंट्स याचा अभ्यास आणि माहिती सीबीआय मिळवत आहे. या तपासात सनातनच्या मंडळींचे सचिन अंदुरेबरोबर मोबाइलऐवजी लँडलाइनवरून संपर्क केल्याचे समजते. सचिनला संमोहित करून या गुन्ह्यात ओढल्याचे सीबीआयच्या सूत्रांचे म्हणणे आहे.
वरील सहा जणांचा संबंध जसा दाभोळकर आणि गौरी लंकेश यांच्या हत्येशी आहे तसाच तो कॉ. पानसरे आणि कलबुर्गी यांच्या हत्येशी देखील असण्याची शक्यता वर्तविली जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
