मुंबई | राज्यातील महाविकास आघाडी सरकारमध्ये सध्या कुरबुरी सुरू आहेत. यावरून विरोधी पक्षांकडून टीका सुरू झाल्या आहेत. अशातच मनसेचे सरचिटणीस आणि माजी नगसेवक संदीप देशपांडे यांनी शिवसेनेवर जबरदस्त टीका केली आहे. राष्ट्रवादीने अहमदनगरमध्ये शिवसेनेचे ५ नगरसेवक फोडले. त्यामुळे शिवसेनेला मोठा धक्का बसला. पारनेरमधील या राजकीय घडामोडीचे धक्के मुंबईपर्यंत पोहोचले.
यानंतर थेट मुख्यमंत्री उद्धव ठाकरेंनी बारामतीला फोन करत आपले नगरसेवक परत पाठवा, असा निरोप उपमुख्यमंत्री अजित पवार यांना दिला आहे. यावरून ३ वर्षांपूर्वी शिवसेनेने मुंबईत मनसेचे ६ नगरसेवक फोडले होते. त्याचा दाखला देत संदीप देशपांडे यांनी टीका केली आहे.
“रात्रीच्या अंधारात नगरसेवक चोरुन सर्जिकल स्ट्राईकची फुशारकी मारणारे आज दिवसा उजेडी राष्ट्रवादी काँग्रेसकडे भीक मागत आहेत. कालाय तसमें नमः”, अशा शब्दांत देशपांडे यांनी शिवसेनेवर जोरदार टीका केली आहे.
रात्रीच्या अंधारात नगरसेवक चोरून सर्जिकल स्ट्राईक ची फुशारकी मारणारे आज दिवसा उजेडी राष्ट्रवादी कडे भीक मागत आहेत कालाय तस्मै नम:
— Sandeep Deshpande (@SandeepDadarMNS) July 7, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
