मुंबई | कोरोनाच्या पार्श्वभूमीवर सध्या मास्क, सॅनिटायझर हे फार महत्त्वाचे झाले आहेत. त्याचे उत्पादनही अनेक ठिकाणी होत आहे. दरम्यान, फूड कॉर्पोरेशन ऑफ इंडियाच्या गोदामातील बफर स्टॉकच्या तांदूळापासून सॅनिटायझर तयार करण्याचा केंद्र सरकारने निर्णय घेतला आहे. राष्ट्रवादी कॉंग्रेसच्या खासदार सुप्रिया सुळे यांनी या केंद्राच्या निर्णयाला नापसंती दाखवली आहे. तसेच, त्यांनी या निर्णयाचा पुन्हा एकदा विचार करावा अशी मागणीही केली आहे.
कोरोना विषाणूंचा प्रादुर्भाव झाल्याने उद्भवलेल्या परिस्थितीत देशातील गोरगरीब एकीकडे अन्नासाठी संघर्ष करीत असताना केंद्र सरकारने फुड कॉर्पोरेशन ऑफ इंडियाच्या गोडाऊनमधील बफर स्टॉकच्या तांदळापासून सॅनिटायजर तयार करण्याचा निर्णय घेतलाय.सॅनिटायजर आवश्यक आहे,त्याचे उत्पादन करायलाच हवे.
— Supriya Sule (@supriya_sule) April 21, 2020
कोरोनाला आळा घालण्यासाठी स्वच्छतेवर अधिक भर दिला जात आहे. त्यासाठी स्वत: ला स्वच्छ ठेवणे आपल्या आजूबाजूच्या वस्तू सॅनिटाईज करणे अत्यंत महत्त्वाचे आहे. त्यामूळे मोठ्या प्रमाणात सॅनिटायझरची मागणी वाढली आहे. त्याचेच उत्पादन वाढावे यासाठी सरकार प्रयत्नशील आहे. त्यामूळेचं तांदळापासून सॅनिटायझर बनवण्याचा विटार केंद्र सरकारने केला. मात्र, देशातील गरीब जनता अन्नासाठी संघर्ष करत आहे. असे असताना अन्नाचा असा वापर करणे अयोग्य आहे. त्यामूळे सरकारने फेर विचार करावा अशी मागणी सुप्रिया सुळे यांनी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
