मुंबई | भाजपच्या 38 व्या स्थापना दिनानिमित्त मुंबईच्या एमएमआरडीए ग्राऊंडवर आज भव्य मेळाव्याचे आयोजन करण्यात आले असून यासाठी राज्यभरातून हजारोंच्या संख्येने कार्यकर्ते दाखल झाले आहेत. या मेळाव्यात दिवंगत गोपीनाथ मुंडे समर्थकांनी नाराजी व्यक्त केली आहे.
भाजपला मुंडेंचा विसर पडल्याची टीका काही कार्यकर्त्यांनी केली आहे. भाजपच्या या कार्यक्रमातील एकाही पोस्टरवर गोपीनाथ मुंडे यांचा फोटो नाही. गोपीनाथ मुंडे यांचा विसर पडल्याने बीडचे मुंडे समर्थक चांगलेच आक्रमक झाले आहेत. ठिकठिकाणी झळकत असलेल्या पोस्टर्सवरून गोपीनाथ मुंडे यांचा फोटो गायब आहे.
त्यामुळे मुंडे समर्थकांनी सभास्थळी घोषणाबाजी सुरू केली. गोपीनाथ मुंडे यांचा फोटो पोस्टरवर लावण्याची मागणी या कार्यकर्त्यांनी केली आहे. दरम्यान, भाजपच्या या मेळाव्यामुळे मुंबईतील वाहतूक ठप्प झाली असून चाकरमान्यांची मोठी गैरसोय होत आहे. काही ठिकाणी मुंबईकरांनी भाजप कार्यकर्त्यांच्या बसेस अडून धरल्याच्या घटना घडल्या आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
