वारणानगर येथील ऊस परिषदेत पहिल्यांदाच मुख्यमंत्री यांची उपस्थिती

कोल्हापूर | वारणानगर येथे आज (बुधावर ) दुपारी ४ वाजता ऊस परिषदेचे आयोजन करण्यात आले आहे. ही परिषद कृषी राज्यमंत्री सदाभाऊ खाते यांच्या नेतृत्वाखाली खाली पार पडणार आहे. या परिषदेत मुख्यमंत्री देवेंद्र फडणवीस सोबत पालकमंत्री , ग्रामविकास मंत्री पंकजा मुंडे ,महसूलमंत्री चंद्रकांत पाटील यांची उपस्थिती लागणार आहे. शेतकरी संघटनेच्या परिषदेत मुख्यमंत्री पहिल्यांदाच उपस्थिती लावत असल्याने या परिषदेला वेगळे महत्व प्राप्त होणार आहे.

स्वाभिमानी शेतकरी संघटनेचे खासदार राजू शेट्टी यांनी भाजपशी काडीमोड घेतल्याने ,त्यांना शह देण्यासाठी सदाभाऊ खोत यांनी या परिषदेचे आयोजन केले आहे. या परिषदेसाठी मुख्यमंत्री देवेंद्र फडणवीस सांगलीहून वारणानगरला हेलिकॉप्टरने येणार असल्याची माहीत मिळत आली आहे. पोलीस अधीक्षक अभिनव देशमुख तसेच उपअधीक्षक आर आर पाटील यांनी काल सायंकाळी परिषदेच्या ठिकाणी पाहणी करून कडक बंदोबस्त केला आहे. यापूर्वी शेट्टी यांच्या प्रत्येक मागणीला कडाडून विरोध केला, प्रसंगी त्यांचे आंदोलन मोडून काढण्याचा प्रयत्न केला, त्या माजी मंत्री विनय कोरे यांच्या प्रभाव क्षेत्रात ही परिषद होत आहे.