शिर्डी । पंतप्रधान नरेंद्र मोदी आज शिर्डीच्या दौऱ्यावर आहेत. यावेळी अनेक दिग्गज नेते उपस्थित होते. राज्याचे मुख्यमंत्री देवेंद्र फडणवीस, ग्रामविकास मंत्री पंकजा मुंडे, राज्यपाल सी.विद्या सागर राव उपस्थिती दर्शवली होती. यावेळी त्यांनी अनेक विविध विकासाच्या कामाचा शुभारंभ करण्यात केला आहे. पंतप्रधान मोदींच्या हस्ते भूमिपूजन करण्यात आले आहे. पंतप्रधान मोदी आवास योजने अंतर्गत २ लाख ४४ हजार लोकांना घर वाटप करण्यात आले आहे. ‘मोदींचे २०२२ चे स्वप्न आम्ही २०१९ मध्येच पूर्ण करू’,असे आश्वसन फडणवीस यांनी मोदींना दिले आहे.
शिर्डीमध्ये लाखो भक्त दाखल होतात ,त्यांना ताटकळत थांबावे लागते म्हणून त्यांच्या सोयीसाठी ‘दर्शनबारी’ तयार करण्यात आली आहे. शिर्डीमध्ये नॉलेज सिटी, उभारण्यात येणार आहे. आंतरराष्ट्रीय दर्जाचे संकुल स्थापन करणार आहेत, असे मुख्यमंत्री देवेंद्र फणवीस यांनी सांगितले . ज्या वेळी भारताला ७५ वर्षे पूर्ण होतील त्यावेळी एकही माणूस बेघर राहणार नाही. प्रत्येकाला स्वतःच घर मिळेल असे वचन मोदींनी दिले होते. ‘घर देण्याचे जे वचन दिले गेले होते, ते मोदींनी पूर्ण केले आहे’,असे देवेंद्र फडणवीस म्हणाले आहेत. आज महाराष्ट्रमध्ये अडीच लाख लोकांचा गृहप्रवेश आज करण्यात येणार आहेत. ‘साडेचार लाख घरचे काम आम्ही डिसेंबर पर्यंत पूर्ण करणार आहोत’, असे आश्वासन मुख्यमंत्री यांनी दिले आहे.
मुख्यमंत्री फडणवीसांनी लगावला काँग्रेस टोला
मुख्यमंत्री देवेंद्र फडणवीसांनी काँग्रेसला टोला लगावला आहे की, ‘गरिबी हटाओ का नारा’ सगळ्यांनीच दिला. परंतु गरिबांसाठी ज्यांनी काम केले ते फक्त नरेंद्र मोदी आहेत.’ पंतप्रधान मोदींच्या नेतृत्वाखाली कामे सुरु आहेत. स्वछ भारत अभियाना अंतर्गत ३ वर्षात ७ लाख शौचालय बांधून आम्ही महाराष्ट्राला हागणदारी मुक्त करण्यात यश आले आहे,’ असे ही मुख्यमंत्री म्हणाले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
