नवी दिल्ली -महिंद्र अॅन्ड महिंद्रा समूहाचे चेअरमन आनंद महिंद्रा आणि टेक महिंद्राचे सीईओ सी. पी. गुरनानी यांची शनिवारी जाहीर माफी मागितली. टेक महिंद्राच्या एचआर आणि एका कर्मचाऱ्याच्या दूरध्वनी संभाषणाची ऑडिओ क्लिप व्हायरल झाली असून संबंधित कर्मचाऱ्याला कंपनीने काढण्यासाठी वापरलेल्या पद्धतीचा कर्मचाऱ्यानी विरोध दर्शविला आहे.

महिंद्र सोशल मीडियावर म्हणाले, की कर्मचाऱ्यांच्या सन्मानाचे रक्षण करणे हे कंपनीच्या मूलभूत तत्वांपैकी एक आहे. मी वैयक्तिकरित्या या घटनेबद्दल माफी मागतो. प्रत्येकाच्या सन्मानाचे रक्षण करणे हे आमच्या मूलभूत तत्वांपैकी एक आहे. पुढे असा कोणताही प्रकार होणार नाही, याची आम्ही काळजी घेणार आहोत. कंपनीच्या व्हाईस चेअरमनने सुद्धा कर्मचाऱ्याला दिलेला व्यवहार योग्य नव्हता असे मान्य केले आहे. ऑडिओ क्लिपमध्ये एचआर एका कर्मचाऱ्याला म्हणाल्या, कंपनीतून आपल्या पदाचा राजीनामा द्या, अन्यथा कंपनीतून हकलून देण्यात येईल.

हा निर्णय कंपनीने घेतला आहे. नियुक्तीच्या वेळी दिलेल्या पत्रात नमूद केले आहे, की कंपनी कुठल्याही क्षणी कोणत्याही कर्मचाऱ्याला बेसिक पेमेंट देऊन काढू शकते. त्यामुळे, एकदा आपला नियुक्ती पत्र वाचून घ्या. संध्याकाळपर्यंत राजीनामा द्यावाच लागेल, अन्यथा हकलून दिले जाईल, अशी धमकी दिली होती. त्याची क्लिप वायरल झाल्यामुळे महिंद्राच्या मालकालाच माफी मागावी लागली आहे.