जळगाव – ‘महावितरण’तर्फे वीजचोरांविरुद्ध धडक कारवाई सुरू करण्यात आली आहे. याअंतर्गत कुसुंबा (ता. जळगाव) गावात सोमवारी तपासणी करण्यात आली. त्या वेळी आकडे टाकून वीजचोरी करताना २९ जणांवर कारवाई करण्यात आली. तसेच पाहणीनंतर लघुवीजदाबाचे वीस खांब उभारणीचे नियोजनहीकरण्यात आले.
‘महावितरण’कडून जिल्ह्यात धडक तपासणी मोहीम सुरू आहे. मोहिमेंतर्गत आकडे टाकून वीजचोरी करणारे, मीटरमधील फेरफारची तपासणी करण्यासोबत मीटर रीडिंग घेणाऱ्या एजन्सीने घेतलेल्या रीडिंगमधील पाच टक्‍के मीटरची तपासणीदेखील केली जात आहे. यात दोषी आढळणाऱ्यांवर कारवाई करण्यात येत आहे. कुसुंबा येथे सोमवारी जळगाव मंडळाचे अधीक्षक अभियंता दत्तात्रय बनसोडे यांच्या आदेशावरून तपासणी करण्यात आली. यात श्रद्धा कन्स्ट्रक्‍शन व व्ही. डी. कन्स्ट्रक्‍शन तसेच नारायण पाटील, कविता पाटील,विमलबाई राठोड यांच्यासह २९ जणांवर कारवाई करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
