फिर्यादी तरुणी कामावरून घरी निघाली होती.तिच्या सोबत तिची आई होती. स्टेशन परिसरातून जात असताना रस्ता ओलांडत असताना रिक्षा चालक सिकंदर शेख(२७) रा. राबोडी, याने मुलीला डोळा मारला व रिक्षा मुलीच्या आईच्या पायावर नेली . या जाब रिक्षाचालकाला विचारला असता वाद झाला. रिक्षा चालक शेख याने तरुणीला काहीतरी अपशब्द वापरले व रिक्षाचालकाने तरुणीला धक्काबुक्की करून विनयभंग केला. तरुणीने व तिच्या आईने रिक्षाचालकाला चोप देऊन गस्तीवरील बीट मार्शल यांच्याकडे तक्रार केली. गस्तीवरच्या बिट मार्शल यांनी तरुणीच्या तक्रारीवरून आरोपी शेख याला ताब्यात घेतले. पोलिसांनी शेख याला ठाणे नगर पोलीस ठाण्यात विनयभंग आणि धक्काबुक्की केल्याप्रकरणी गुन्हा दाखल करून तरुणीचा जाबजबाब नोंदविण्याची प्रक्रिया रात्री उशिरा पर्यंत नोंदविला . ठाण्यात महिन्याभरात तरुणीचा विनयभंग, रिक्षातून फेकण्याचा घटना घडल्याने रिक्षाचालकांचा मस्तवालपणा वाढत चालला असल्याचे चित्र स्पष्ट होत आहे.