नवी दिल्ली – दरवर्षी केंद्र सरकारकडून हज यात्रेसाठी ७०० कोटींचे अनुदान देण्यात येत होते. पण, सरकारने हे अनुदान रद्द करुन महिलांच्या शैक्षणिक सबलीकरणासाठी खर्च करण्याचा निर्णय घेण्यात येणार असल्याचे केंद्रीय अल्पसंख्याक मंत्री मुख्तार अब्बास नक्की यांनी सांगितले.

‘भारताकडून १ लाख ७५ हजार भाविक यावर्षी हज यात्रेसाठी जाणार असल्याची माहिती नक्की यांनी दिली. याचा फायदा मुसलमानां होत नसून दलालांना होत असल्यामुळे अनुदान बंद करण्याच निर्णय सरकारने घेतला असून गरीब मुस्लीम हज यात्रींसाठी लवकर वेगळी सोय केली जाणार असल्याचे देखील यावेळी मुख्तार अब्बास नक्कीनी सांगितले.’

मोदी सरकार ही अल्पसंख्याक लोकांना फसवणूक करत असून या सरकारकडून कोणतीच अपेक्षा करणे चुकीचे असल्याचे राष्ट्रवादी काँग्रेसचे नेता नवाब मालिक यांनी म्हटले. तसेच सरकारने २०१३ साली ६८० कोटी, २०१४ साली ५७७ कोटी, २०१५ साली ५२९ कोटी आणि २०१६ साली ४०५ कोटीचे अनुदान हज यात्रेसाठी दिले होते.