हा विजय वेगळाच – उद्धव ठाकरे

अक्षय कदम

मुंबई – मुंबई महापालिकेच्या निवडणुकीत शिवसेना पाचव्यांदा विजयी झाली आहे. आधीच्या चार विजयांपेक्षा यावेळी मिळालेला विजय हा नक्कीच वेगळा असल्याची प्रतिक्रिया शिवसेना पक्षप्रमुख उद्धव ठाकरे यांनी व्यक्त केली. मुंबईतल्या फोर्ट इथे आयोजित शिवराय संचलन या कार्यक्रमात ते बोलत होते. निवडणुका असो वा नसो, आमच्या हातात भगवाच राहणार असल्याचे ठाकरे यावेळी म्हणाले.

एकमेकांवर जी काही फेकाफेकी करायची ती झाली आहे. होळी, धुळवड, रंगपंचमी जे काय व्हायचं ते झाले आहे.

केंद्र सरकारमध्ये दोन लाखापेक्षा जास्त नोकऱ्या उपलब्ध होणार आहे. यासाठी मला लोकाधिकाराची गरज लागणार आहे. लोकाधिकारच्या माध्यमातून आपल्याला पाहावे लागेल. तिथे आपल्या मुला – मुलींना जास्तीतजास्त नोकऱ्या लागल्या पाहिजेत. आम्ही शिवरायांच्यासमोर झुकणारे आहोत इतर कोणाहीसमोर झुकणार नसल्याचे उद्धव यांनी सांगितले.