मुंबई | एसआरए प्रकल्पातील श्रेयवादातून शिवसेनेचे माजी उपशाखाप्रमुख सचिन सावंत यांची हत्या करण्यात आली होती. या हत्येप्रकरणी मुंबई पोलिसांनी 7 आरोपींना अटक केली असून एसआरए प्रकल्पातील श्रेय वादातून सावंत यांची हत्या झाल्याचे उघडकीस आले आहे. तसेच सावंत यांच्या हत्येसाठी 10 लाखांची सुपारी देण्यात आली होती.
मुंबई पोलिसांनी या प्रकरणी उत्तर प्रदेशमधून 6 जणांना तर मुंबईतून एकाला अटक केली आहे. त्याचबरोबर हत्येसाठी वापरण्यात आलेली पिस्तुल देखील पोलिसांनी जप्त केले आहे. उत्तर प्रदेशातून अटक करण्यात आलेल्या सर्व आरोपींना 14 मे पर्यंत न्यायालयाने पोलीस कोठडी सुनावली आहे. सचिन सावंत शिवसेनेच्या कुरार शाखेचे माजी उपशाखाप्रमुख होते. ते कांदिवली येथील एसआरए प्रकल्पाचे प्रवर्तक देखील होते. याच प्रकल्पात ब्रिजेश पटेल हा देखील प्रवर्तक आहे. या प्रकल्पावरुन दोघांमध्ये श्रेयवादाची लढाई सुरू झाली होती त्यातून सावंत यांची हत्या झाल्याचे स्पष्ट झाले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
