जोधपूर | बॉलिवूडचा शहेनशहा अमिताभ बच्चन यांची प्रकृती बिघडली आहे. सध्या ते राजस्थानमध्ये ‘ठग्ज ऑफ हिंदुस्थान’ शूटिंग करत आहेत. मुंबईतून १० डॉक्टरांची टीम जोधपूरला रवाना झाली आहे. गेल्या आठवड्याभरापासून ते जोधपूरमध्ये शूटिंगमध्ये व्यस्त आहेत. बच्चन यांना नेमके काय झाले यांची माहिती अद्यापही मिळाली नाही.

यावेळी त्यांची प्रकृती बिघडल्यामुळे स्थानिक डॉक्टरांनी त्यांची तपासणी केल्यानंतर प्रकृती स्थिर असल्याचे सांगितले आहे. सध्या अमिताभ बच्चन हे जोधपूर मधील अजित महल या हॉटेलमध्ये आहेत. पंधरा दिवसापूर्वी बच्चन यांची प्रकृती बिघडल्यामुळे लिलावती रुग्णालयात दाखल झाले होते. पण, त्यानंतर ती नियमित तपासणी असल्याचे सांगण्यात आले.