मुंबई | राष्ट्राभिमानी समितीच्या मार्गदर्शनाखाली बालगोपाळ माऊली गोविंदा पथकाने काल मुंबईत वेगवेगळ्या ठिकाणी दहीहंड्या फोडल्या मात्र हे करत असताना त्यांच्या निदर्शनास आले की बरेच गोविंदा हे जिथे जेवण करण्यास बसतात तिथेच अस्वच्छता करून निघून जातात. शिवजीपार्क परीसरात देखील असा कचरा पहायला मिळाला. शिवाजी पार्क हे वेगवेगळ्या खेळासाठी, राजकीय पक्षांच्या सभा व मोठं मोठ्या उत्सवांसाठी प्रसिद्ध आहे. अश्या ठिकाणी गोविंदांनी कचरा केला होता.
हे सर्व माऊली गोविंदा पथकाने पाहिल्यानंतर दहीहंडीच्या दुसऱ्याच दिवशी स्वच्छता अभियान राबवण्याचा निर्णय घेतला होता. त्यासाठी त्यांनी जी उत्तर विभागाचे सहाय्यक आयुक्त अशोक खैरनार यांच्याशी संपर्क साधल्यावर खैरनार यांनी त्वरित सर्वोतोपरी मदतीचे आश्वासन दिले. दहीहंडीच्या दुसऱ्याच दिवशी मंगळवार दिनांक ४ सप्टेंबर २०१८ ला राष्ट्राभिमानी समितीच्या बालगोपाळ माऊली गोविंदा पथकाने शिवाजी पार्क स्वच्छतेची मोहीम आखली व त्याप्रमाणे सर्व कार्यकर्ते व सोबत काही महानगर पालिका कर्मचारी मिळून स्वच्छता मोहीम राबवली.
एक टेम्पो भरून कचरा मिळाला त्यात दारूच्या बाटल्या देखील खूप प्रमाणात होत्या. ही मोहीम काढण्यामागे समितीचा एकच उद्देश होता की किमान यापुढे तरी उत्सव साजरा करताना पर्यावरण देखील स्वच्छ ठेवणे आपली जबाबदारी आहे. हे विसरून चालणार नाही. हा संदेश इतर मंडळांपर्यंत पोहोचावा. कार्यक्रमाचे नेतृत्व समितीचे अध्यक्ष प्रशांत पळ यांनी केले. सोबत मार्गदर्शक विलास फडके, महिला अध्यक्षा वनिता चेटियार पदाधिकारी संतोष नारायणे, दत्तात्रय वाळंज, अर्जुन शिंदे, शंकर भोमिक व राजेश पवार यांनी सहभाग घेऊन स्वच्छता अभियान राबवले. ह्या उपक्रमास स्वातंत्रवीर सावरकर राष्ट्रीय स्मारकाचाही आम्हा सर्वांना खूप पाठिंबा मिळाला असे समितीचे विलास फडके यांनी आवर्जून सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
