मुंबई | रात्रीपासून सुरु असलेल्या जोरदार पावसामुळे मध्य आणि हार्बर रेल्वेवर वाहतूक उशिराने सुरू आहे. दोन्ही मार्गावरील वाहतूक 15 ते 20 मिनिट उशीरा होत आहे. मध्य आणि हार्बर रेल्वेच्या या रडगाण्यामुळे कामावर निघालेल्या चाकरमान्यांचे शनिवारी सकाळी प्रचंड हाल झाल्याचे पहायला मिळाले. संततधार पावसामुळे दोन्ही मार्गावरील रेल्वे वाहतूक मंदावली असून याचा फटका प्रवाशांना बसताना पहायला मिळाला.
मुसळधार पावसामुळे मध्य रेल्वेची कर्जत ते कल्याण दरम्यानची वाहतूक पूर्णत: ठप्प झाली आहे. कर्जत स्थानकात रुळावर पाणी साचल्याने या मार्गावरील वाहतूक मंदावली आहे. रुळांवर जवळपास १० ते ११ इंच पाणी साचल्याचे समोर येत आहे. अंबरनाथसह अन्य रेल्वे स्थानकांवर प्रवाशांची मोठी गर्दी जमा झाली आहे. कर्जत रेल्वे स्टेशनवर पाणी साचल्याने प्रगती एक्सप्रेसची वाहतूक वळवण्यात आली आहे. मुंबई, ठाणे, वसई-विरार आणि रायगड या भागांना मुसळधार पावसाने झोडपले असून पावसामुळे मध्य रेल्वेवरील वाहतूक विलंबाने सुरु आहे. मध्य रेल्वेवरील लोकल गाड्यांची वाहतूक १० ते १५ मिनिटे उशिराने सुरु आहे.
भुसावळ-पुणे एक्स्प्रेस कल्याण-कर्जत मार्गावरुन तर पुणे-भुसावळ एक्स्प्रेस दौंड-मनमाड मार्गावर वळविण्यात आली. कर्जत-चौक दरम्यान रुळावर पाणी साचल्याने ११०२५ भुसावळ-पुणे एक्स्प्रेस कल्याण-कर्जत मार्गावरुन वळवण्यात आली आहे. तर ११०२६ पुणे- भुसावळ एक्स्प्रेस दौंड–मनमाडमार्गे वळवण्यात आली आहे. तर १२१२६ प्रगती एक्स्प्रेस आणि १७६१४ नांदेड–पनवेल एक्स्प्रेसही कर्जत–पनवेलऐवजी कर्जत–कल्याण मार्गावर वळवण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
