परळमधील महाराष्ट्र गेस्ट हाऊसच्या इमारतीला आग

मुंबई | परळमधील प्रिमिअर टॉकीजजवळील महाराष्ट्र गेस्ट हाऊसच्या इमारतीला आग लागल्याची माहिती आहे. आग लागल्याचे कळताच अग्निशमन दलाच्या ४ गाड्या घटनास्थळी दाखल झाल्या आहेत. आग आटोक्यात आणण्यासाठी अग्निशमन दलाचे जवान प्रयत्न करत आहेत. आगीचे कारण अद्याप स्पष्ट झाले नाही.

#Mumbai: Fire breaks out in a building near Premier Talkies in Parel. 4 fire tenders rushed to the spot, more details awaited

— ANI (@ANI) August 27, 2018

याआधी परळ येथील क्रिस्टल टॉवरच्या १२ व्या मजल्याला आज सकाळी ८.३० च्या सुमारास आग लागली होती. त्यानंतर अग्निशमन दलाच्या १२ गाड्या तातडीने घटनास्थळी पोहोचल्या आहेत. दोन तासांच्या अथक प्रयत्नांनंतर अग्निशमन दलाच्या जवानांना आगीवर पूर्णपणे नियंत्रण मिळवण्यात यश आले. या अपघातात ४ जणांचा मृत्यू झाला.