मुंबई | मुंबईचे आराध्य दैवत असलेल्या सिद्धिविनायक मंदिरातील कर्मचाऱ्यांसाठी एक मोठी खुशखबर आहे. सिद्धिविनायक मंदिरात १० वर्षांपेक्षा अधिक काळ काम करणाऱ्या कर्मचाऱ्यांना कायम स्वरुपी करण्याचा निर्णय मंदिर प्रशासनाकडून घेण्यात आला आहे. सिद्धिविनायक गणपती मंदिर न्यासाचे विद्यमान अध्यक्ष आदेश बांदेकर हे यासाठी पाठपुरावा करत होते. या पाठपुराव्याला यश आल्याचे पहायला मिळत आहे. त्यामुळे खऱ्या अर्थाने सिद्धिविनायक मंदिराच्या कर्मचाऱ्यांना गणपती बाप्पा पावले असेच म्हणावे लागेल.
गतवर्षापासून बांदेकर मंदिर कर्मचाऱ्यांना सेवेत कायम करण्यासाठी पाठपुरावा करत होते. सिद्धिविनायक मंदिर न्यासाने शासनाला पाठवलेला आकृतीबंध अखेर मंजूर करण्यात आला आहे. सिद्धिविनायक मंदिरातील एकूण १३३ कर्मचाऱ्यांना या निर्णयाचा फायदा होणार आहे. सिद्धिविनायक कर्मचाऱ्यांनी याबाबत मुख्यमंत्र्यांची आभार मानले आहेत. गतवर्षी बांदेकर यांची मंदिर ट्र्स्टच्या अध्यक्षपदी नियुक्त करण्यात आले आहे. तसेच हल्लीच बांधेकर यांना राज्यमंत्रिपदाचा दर्जा देखील देण्याचा निर्णय राज्य सरकारने घेतला आहे. याशिवाय शिवसेनेने बांदेकर यांच्याकडे सचिवपदाची जबाबदारीही दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
