अनुदानासाठी महाविद्यालयीन कर्मचा-यांचे बेमुदत उपोषण

पुणे – राज्यात २४ नोव्हेंबर २००१ पूर्वी मान्यताप्राप्त कायम विनाअनुदानित महाविद्यालयांना शंभर टक्के अनुदान देण्यात यावे, या मागणीसाठी पुणे येथील उच्च शिक्षण संचालक कार्यालयाबाहेर महाविद्यालयीन कर्मचा-यांनी उपोषण सुरू केले आहे.

राज्यात दि .२४ नोव्हेंबर २००१ पूर्वी उच्च व तंत्र शिक्षण विभागाने शासन स्तरावर कायम विना अनुदानाचे धोरण नसताना घेतलेल्या धोरणात्मक निर्णयाची अंमलबजावणीपूर्वी लक्षी प्रभावाने जून २००१ पासून लागू करून सदर महाविद्यालयावर घोर अन्याय केलेला आहे.यामुळे गेल्या १७ वषार्पासून विना वेतन विद्यादानाचे पवित्र काम करणाºया कर्मचारी व त्याच्या कुटुंबावर उपासमारीची वेळ आली आहे. शासनाकडे वेळोवेळी निवेदने, मोर्चे, आंदोलने, उपोषणाच्या माध्यमातून न्याय मागण्याचा प्रयत्न केला. परंतु शासनाने नेहमीच या प्रश्नाला केराची टोपली दाखवली म्हणून नाईलाजास्तव जीवाच्या आकांताने न्याय हक्कासाठी महाविद्यालयीन कर्मचारी उपोषणास बसले आहेत.