ठाणे । ठाण्यात एका अल्पवयीन मुलीबरोबर अश्लील चाळे करणाऱ्या परप्रांतीय नराधमाला मनसेच्या कार्यर्त्यांनी भर पत्रकार परिषदेत चोप दिला आहे. हा नराधम उत्तर भारतीय आहे. एका व्हिडिओच्या आधारे मनसेच्या कार्यकर्त्यांनी त्या नराधमाला शोधून काढले आणि सोमवारी ताब्यात घेतले. पत्रकार परिषद झाल्यानंतर त्याला पोलिसांच्या ताब्यात देण्यात आले आहे.
“गुजरातसारखी पुनरावृत्ती महाराष्ट्रात नको. जर त्यांनी वाईट वागणूक सोडली नाही तर आम्ही सगळ्या उत्तर भारतीयांना मारून मारून हाकलवून लावू, असा इशारा मनसेचे ठाणे जिल्हा अध्यक्ष अविनाश जाधव यांनी दिला आहे. बिहार, उत्तरप्रदेश, झारखंडमधून घाण महाराष्ट्र्र येते,” अशा प्रकारची टोकाची टीका मनसे कार्यकर्त्यांनी उत्तर भारतीयांवर केली आहे.
बलात्कारसारख्या गंभीर घटनांना उत्तर भारतीय विरुद्ध मराठी असा रंग देण्याचा प्रयत्न करत आहात का? असा प्रश्न विचारला असता ते म्हणाले कि, “आमचे उद्दिष्ट्य अशा लोकांना चोप देणे हे आहे. आम्ही बलात्काराच्या घटनांना जातीय रंग देत नाही. ठाण्यात जेवढ्या मोठ्या घटना घडल्या त्यात उत्तर भारतीयच आहेत ही वस्तूस्थिती आहे.”
ठाणे, नवी मुंबई, मुंबई अशा तिन्ही शहरातल्या मुलींसोबत त्याने अश्लील चाळे केल्याचे मनसेच्या पदाधिकाऱ्यांनी सांगितले आहे. हा नराधम झारखंडमध्ये राहणार आहे. तो ठाण्यातल्या वागळे इस्टेटमधल्या मुलीसोबत अश्लील चाळे करताना दिसताच मनसेच्या कार्यकर्त्यांनी त्याला अत्यंत आक्रमक पद्धतीने धडा शिकवला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
