मुंबई | काँग्रेस पक्ष आगामी लोकसभा आणि विधानसभा निवडणुकांमध्ये भाजपला शह देण्यासाठी महाआघाडीचे स्वप्न पाहत आहे. या महाआघाडीच्या अनुषंगाने काँग्रेसच्या राजकीय हालचालींना देखील वेग आला आहे. या भाजपविरोधी महाआघाडीत महाराष्ट्र नवनिर्माण सेनेला देखील सोबत घ्यावे असा प्रस्ताव राष्ट्रवादी काँग्रेसने काँग्रेसपुढे मांडला होता. मात्र राष्ट्रवादी काँग्रेसच्या या प्रस्तावास मुंबई काँग्रेस अध्यक्ष संजय निरुपम यांनी विरोध दर्शविला आहे.
महाराष्ट्र नवनिर्माण सेनेचा मुख्य अजेंडा हा कायमच उत्तर भारतीयांविरोधी राहिलेला आहे. त्यामुळे मनसेला महाआघाडीत घेतल्यास काँग्रेस पेक्षाचे उत्तर भारतीय मतदार मोठ्या प्रमाणात दुरावण्याची शक्यता असल्याचेही म्हटले जात आहे. मुंबई काँग्रेस अध्यक्षांनी राष्ट्रवादीच्या या प्रस्तावाला काँग्रेसचा विरोध असून मनसे महाआघाडीचा भाग नसेल असे स्पष्ट केले आहे. परंतु अद्याप काँग्रेसच्या वरिष्ठ नेत्यांकडून अशी कोणतीही प्रतिक्रिया आलेली नाही.
मोदी सरकारच्या काळात वाढलेल्या महागाईविरोधात काँग्रेसने ‘भारत बंद’ची हाक दिली होती. या बंदला महाराष्ट्र नवनिर्माण सेनेने पाठिंबा देत आपला सक्रिय सहभागही नोंदवला होता. तसेच काँग्रेसच्या नेत्यांकडून स्वाभिमानी शेतकरी संघटना, भारिप बहुजन महासंघ, लोकभारती या पक्षांच्या नेत्यांसोबत देखील चर्चा करण्यात आली होती. अशाच एका बैठकीत आघाडीच्या नेत्यांच्या राष्ट्रवादी काँग्रेसने महाराष्ट्र नवनिर्माण सेनेलाही महाआघाडीत सोबत घेण्याचा प्रस्ताव ठेवला होता. मात्र काँग्रेसने या प्रस्तावास विरोध केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
