मुंबई- शरीरात पाण्याची कमतरता निर्माण झाल्याने मुंबईतील खासगी रुग्णालयात दाखल करण्यात आलेले ज्येष्ठ अभिनेते विनोद खन्ना यांची प्रकृती सध्या खूपच नाजूक झाली आहे. इतकच काय तर त्यांना आता ओळखणंही कठीण झालं आहे. सध्या सोशल मीडियावर त्यांचे रूग्णालयातील फोटोस व्हायरल झाले असून आजारपणामुळं विनोद खन्नांची झालेली अवस्था पाहून त्यांच्या चाहत्यांना धक्का बसला आहे.

मागील आठवड्यात विनोद खन्ना यांना चर्नी रो़डच्या एचएन रिलायन्स फाऊंडेशन हॉस्पिटल अँड रिसर्च सेंटरमध्ये दाखल करण्यात आलं होतं. खन्ना यांना मूत्रपिंडाचाकॅन्सर असल्याचं तपासणीत समोर आल्याचं सूत्रांकडून समजतं. याविषयी अधिकृत माहिती अद्याप मिळालेली नाही. मात्र, त्यांच्या प्रकृतीत झपाट्यानं सुधारणा होतअसून लवकरच त्यांना घरी सोडण्यात येईल, अशी माहिती त्यांचा मुलगा राहुल यानं दिली आहे.