Connect with us

मुंबई

पॅनकार्ड क्लब घोटाळ्याप्रकरणी उच्च न्यायालयाचा ‘सेबी’ला दणका

News Desk

Published

on

मुंबई | पंचतारांकित हॉटेलमधे निवासाचीही सोय आणि आकर्षक परतावा, असे आमिष दाखवून देशातील लाखो ग्राहकांचे पैसे गुंतवणुकीच्या माध्यमातून गडप करणाऱ्या पॅनकार्ड क्लब घोटाळयाप्रकरणी मुंबई उच्च न्यायालयाने आज ‘सेबी’ला चांगलाच दणका दिला आहे. आतापर्यंत जप्त केलेल्या मालमत्तेची सविस्तर माहिती लपवणाऱ्या ‘सेबी’ला उच्च न्यायालयाने खडे बोल सुनावले आहेत. तसेच याबाबतची माहिती येत्या दोन आठवडयांत न्यायालयात सादर करा, असे आदेश देत जप्त मालमत्तेचा लिलाव करण्यासही बंदी घातली आहे.

गुंतवणुकीद्वारे जास्त परतावा देण्याचे आमिष दाखवून पॅनकार्ड क्लब लिमिटेड या कंपनीने देशभरातल्या ५२ लाख ग्राहकांकडून पैसे उकळले. कंपनीच्या संचालकांनी विविध ठिकाणी मालमत्ता खरेदी केली. परंतु गुंतवणूकदारांचे पैसे परत न करताच कंपनीने हे पैसे गडप केले. सुमारे ७ हजार ३५ कोटी रुपयांचा घोटाळा झाल्याचे लक्षात येताच गुंतवणूकदारांनी ‘सेबी’कडे धाव घेतली. काहींनी ‘सॅट’कडे आपले गाऱ्हाणे मांडले. ‘सॅट’ने ‘सेबी’ला पॅनकार्ड क्लबची मालमत्ता जप्त करून गुंतवणूकदारांचे पैसे परत करण्याचे आदेश दिले होते.

‘सेबी’नेही ‘सॅट’च्या आदेशानुसार मालमत्तेचा लिलाव सुरू केला. मात्र त्या लिलावादरम्यान ‘सेबी’ने जप्त केलेल्या मालमत्तेचा लिलाव रेडीरेकनरपेक्षाही कमी दरात केला असल्याचे काही गुंतवणूकदारांच्या लक्षात येताच राघवेंद्र मोघावेरा व इतर गुंतवणूकदारांनी ‘सेबी’विरोधात अ‍ॅड. राघवेंद्र सारथी यांच्यामार्फत उच्च न्यायालयात याचिका दाखल केली.

न्या. भूषण धर्माधिकारी आणि न्या.रेवती मोहिते-ढेरे यांच्या खंडपीठासमोर आज पार पडलेल्या सुनावणीवेळी ‘सेबी’ने आतापर्यंत जप्त केलेल्या १५ मालमत्तांचा लिलाव केला. ठाण्यातील तसेच गोव्यातील मालमत्तेचा लिलाव रेडीरेकनरपेक्षाही कमी किंमतीत केल्याची बाब खंडपीठाच्या निदर्शनास आणून दिली. पॅनकार्ड क्लब लिमिटेडच्या एकूण ६८ मालमत्ता होत्या. त्यापैकी १५ मालमत्तांचा लिलाव करण्यात आला आहे. तसेच त्यांच्या परदेशातही काही मालमत्ता आहेत, मात्र या मालमत्तांची माहिती ‘सेबी’ लपवत आहे, असा आरोप याचिकाकर्त्यांनी केला आहे.

मुंबई

मंत्रालयात पुन्हा एकदा महिलेने केला आत्महत्येचा प्रयत्न

News Desk

Published

on

मुंबई | शारदा अरुण कांबळे या महिलेने आज (१८ जानेवारी) मंत्रालयाच्या गेटजवळ रॅकेल ओतून आत्महत्या करण्याचा प्रयत्न केला आहे. परंतु मंत्रालयाच्या सुरक्षा रक्षकांनी वेळीस महिलेला वाचविले. शारदा त्यांना वाचविल्यानंतर विचारपूस केल्यानंतर त्यांच्याकडे सुसाईड नोट सापडली आहे. मंत्रालय सुरक्षेसाठी तैनात असलेल्या पोलिसांनी या महिलेला ताब्यात घेऊन  मरीन ड्राईव्ह पोलिसांच्या ताब्यात घेतले असून या प्रकरणाचा पुढील तापास पोलीस करत आहे. यात शारदा यांनी त्यांच्या मुलीच्या लग्नासाठी एप्रिल २०१६ मध्ये वाशीनाका येथील एजंट मीना अनिल पगारे यांच्या मदतीने उदय रघू शेट्टी या नावाच्या सावकाराकडून २ लाख रुपये साडे बारा टक्के व्याजाने घेतले होते. व्याजाने पैसे घेतान तारण म्हणून शारदा यांच्याकडून तीन कोरे चेक घेतले.

शारदा यांना एप्रिल महिन्यात बीसी लागल्यामुळे त्यांनी सावकाराला १ लाख रूपये दिले. यानंतर सावकरांने साडे बारा टक्क्याने साडे चार लाख रुपये एवढे पैसे झाले होते. तेही पैसे मी फेडले. यानंतर ही उदय आणि मीना पगार यांनी सतत पैशांची मागणी करत होते. यानंतर या दोघांनी शारदा यांनी दिलेल्या कोऱ्या चेकवर १५,५०,००० ऐवढी रक्कम टाकून उड्डपी कर्नाटक येथील बँक खात्यात जमा केले. आणि माझ्या बँक खात्यात एवढी रक्कम नसल्यामुळे सदर चेक बाउन्स झाला. यानंतर सावकराने त्यांच्या वकिलाद्वारे शारदा यांना मार्च २०१७ रोजी रक्कम परत मागण्यासाठी कायदेशीर नोटीस पाठवली होती.  माझ्याविरुद्ध खोटा खला दाखल करण्याची धमकी दिली.

शारदा यांनी सुसाईड नोटमध्ये काय लिहिले

सावकाराने पाठविलेल्या नोटीसमध्ये शारदा यांनी १५,५०,००० पैसाचा चेक दिल्याचे नमूद करण्यात आली आहे. तसेच शारदा यांनी जानेवारी आणि फेब्रुवारी २०१७ मध्ये ७ लाख रुपये परत केल्याचा उल्लेक केला आहे. माझ्या खात्यावर १५ हजार देखील जमा नसताना. सावकाराने कर्नाटकातील उड्डपी येथील न्यायालयात दावा दाखल करून शारदा यांना त्रास देत आहे.  एकाच वर्षात २ लाखांचे साडेचार लाख रुपये शारदा यांनी सावकाराला परत केल्यानंतरही त्यांचा छळ होत आहे. यानंतर मीना पगारे यांनी ५० हजार रुपयांचा चेक बँकेत टाकला. हा चेक बाऊन्स झाल्यानंतर पुन्हा एकदा मीना यांनी कुर्ला येथील कोर्टात खोटी तक्रार दाखल केली. यासर्व प्रकारणामुळे शारदा या आत्महत्या करत असल्याचे त्यांनी या सुसाईड नोटमध्ये लिहले आहे.

 

 

Continue Reading

मुंबई

बेस्ट कर्मचाऱ्यांचा लढा यशस्वी, कर्मचाऱ्यांच्या पगारात होणार किमान ७००० रुपयांची वाढ

News Desk

Published

on

मुंबई | मुंबई उच्च न्यायालयाच्या आदेशानंतर बेस्ट कर्मचाऱ्यांनी आज (१६ जानेवारी) अखेर तब्बल ९ दिवसांनंतर संप मागे घेतला आहे. वडाळा डेपोत नुकत्याच झालेल्या बेस्ट कृती समितीच्या मेळाव्यात तब्बल ९ दिवस चाललेला हा संप मिटल्याची अधिकृत घोषणा बेस्ट कृती समितीचे नेते शशांक राव यांनी केली आहे. ‘कामगार एकजुटीचा विजय असो’ च्या जोरदार घोषणा देत बेस्ट कर्मचाऱ्यांनी आपला हा विजय साजरा केला आहे. बेस्ट कामगार कृती समितीचे नेते शशांक राव यांचे बेस्ट कर्मचाऱ्यांनी आभार मानले आहेत.

आज सकाळी ११ वाजता झालेल्या सुनावणीत मुंबई उच्च न्यायालयाने बेस्ट कर्मचाऱ्यांना संप मागे घेण्याचा आदेश दिला. या आदेशानंतर बेस्ट कर्मचाऱ्यांनी संप मागे घेण्याची तयारी दाखवली. त्याचप्रमाणे न्यायालयाच्या या निर्णयाबाबत बेस्ट कर्मचाऱ्यांनी आनंद देखील व्यक्त केला आहे.

काय म्हणाले शशांक राव ?

  • बेस्ट कर्मचाऱ्यांच्या पगारात किमान ७००० रुपयांची वाढ होणार
  • कनिष्ठ कामगारांचे पगार पुढील महिन्यापासून वाढणार
  • बेस्ट कर्मचाऱ्यांचा लढा यशस्वी
  • दत्त सामंत यांच्या पुण्यतिथीला आपल्याला न्याय मिळाला हे विशेष
  • न्यायालयातून आम्ही आमच्या हक्काचे मिळवले
  • उद्धव ठाकरे म्हणतात, किती काळ आम्ही बेस्टला मदत करायची ? पैसे कुठून आणणार ?
  • कामगारांना संपविण्याचा प्रयत्न सुरु होता
Continue Reading
Advertisement

HW Marathi Facebook

January 2019
M T W T F S S
« Dec    
 123456
78910111213
14151617181920
21222324252627
28293031  

महत्वाच्या बातम्या