HW News Marathi
मुंबई

सापाने देखील केला लोकलमधून प्रवास

मुंबई | मुंबईकर रोज लोकल मधून प्रवास करतात. गर्दीचं तर विचारू नका. आणि त्यात मुंबईकरांच्या कामच्यावेळेस कोणकोणत्या अडथळ्यांना मुंबईकरांना सामोरं जावं लागतं. ऐन गर्दीच्या वेळेस आज ८.३३ च्या टिटवाळा-सीएसटी लोकलमध्ये चक्क एका सापानेच मुंबईकरांसोबत प्रवास केला.

आज ठाणे स्टेशनवर चालत्या लोकलमध्ये साप आढळल्याने प्रवासी डब्यात एकच खळबळ उडाली. ठाण्यावरुन सीएसटीकडे जाणाऱ्या लोकलच्या डब्यात फॅनमध्ये साप दिसल्याने, काहीवेळ गोंधळाचं वातावरण होतं. या गोंधळामुळे काहीवेळ लोकल थांबवण्यात आली. एक लोकल थांबल्यामुळे मागच्या अनेक लोकल गाड्यांनाही थांबावं लागलं. ही लोकल टिटवाळ्यावरुन ८.३३ वा सीएसएमटीकडे निघाली होती.

ही लोकल टिटवाळ्यावरुन ठाण्यापर्यंत आली तोपर्यंत कोणाचंही लक्ष नव्हतं. मग लोकल ठाणे स्टेशनवर प्लॅटफॉर्म चारवर आली तेव्हा एका प्रवाशाचं फॅनकडे लक्ष गेलं. त्याने अन्य प्रवाशांचं लक्ष वेधलं असता, एकच आरडाओरडा झाला. मग एका प्रवाशाने लाकडी पट्टी आणून सापाला फॅनवरुन खाली पाडलं. मग लोकलमधून खाली ट्रॅकवर ढकललं. साप खाली पडल्यानंतर लोकल पुढे रवाना करण्यात आली. लोकल ट्रेनमध्ये आढळून आलेला साप हा हरणटोळ जातीचा हा साप असून तो निरुपद्रवी आहे.

हरणटोळ जातीचा साप

हरणटोळ हा निमविषारी साप आहे. त्याच्या विषाचा गंभीर परिणाम मनुष्याच्या शरीरावर होत नाही. मात्र उंदीर, संसा, बेडूक अशा प्राण्यांसाठी हरणटोळचे विष जीवघेणे आहेत. हा साप दुर्मिळ सापामध्ये येत नसला तरीही तो क्वचितच आढळतो.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
Some error occurred

Related posts

हुक्का पार्लरमध्ये तरुणाची हत्या, मलाकाचा तरुणीवर बलात्कार

News Desk

मुंबईसह उपनगरांत मुसळधार पाऊस, सखल भागात पाणी साचले

News Desk

मुंबईत वरुणराजाची हजेरी

News Desk
महाराष्ट्र

10 जानेवारी रोजी “महाराष्ट्र बंद” नाही, अफवांवर विश्वास ठेवू नका. – मराठा क्रांती मोर्चा

News Desk

मुंबई. मराठा समाज किंवा मराठा क्रांती मोर्चा तर्फे कुठलाही बंद नाही. १ जानेवारी रोजी झालेल्या दंगलीत एक मराठा भावाला आपला जीव गमवावा लागला तसेच २ जानेवारी रोजी प्रकाश आंबेडकर यांनी केलेल्या महाराष्ट्र बंद मध्ये अनेक ठिकाणी खाजगी मालमत्तेचे नुकसान केले गेले आहे व काही ठिकाणी मराठा बांधवांवर जाणीवपूर्वक ऍट्रॉसिटी सह इतर हि कलमांतर्गत गंभीर गुन्हे दाखल केले गेले आहेत यांच्या निषेधार्त काही ठिकाणी स्थानिक पातळीवर निर्णय घेऊन विभागीय बंद ठेवण्यात आले असून “महाराष्ट्र बंद” बाबत असा कुठलाही निर्णय झालेला नाही आणि असा कुठलाही बंद ठेवला जाणार नाही. अशी माहित मराठा क्रांती मोर्चा समन्वयक विनोद पोखरकर यांनी दिली आहे.

पोखरकर म्हणाले की, मराठा समाजाच्या वतीने 10 जानेवारी रोजी महाराष्ट्र बंद अशा आशयाची एक पोस्ट मागील काही दिवसांपासून पासून सोशल मिडियावर धुमाकूळ घालीत आहे या संदर्भात मराठा क्रांति मोर्चा कडून असा कोणताही बंद नाही सदर पोस्टच्या माध्यमातून मराठा क्रांति मोर्चा सकल मराठा समाज यांच्या वतीने स्पष्ट करण्यात येत आहे की, 10 जानेवारी ला कोणताही बंद नाही अफवावर विश्वास ठेवु नये मराठा क्रांति मोर्चा आणि सकल मराठा समाज हे समाजाचे व्यासपीठ आहे. ना कोणत्या पक्षाचे, ना कोणत्या संघटनेचे सकल मराठा समाज मराठा क्रांति मोर्चाची कोणतीही अधिकृत बैठक झालेली नाही आणि कोणीही मराठा सामाजाच्या नावावर मराठा क्रांति मोर्चा किंवा सकल मराठा समाजाने बंद पुकारलेला नाही. मराठा समाजातील तरूणांचा वापर करून राजकारण करून मराठा-दलित वाद लावू पाहणाऱ्यांच्या कटकारस्थानाला कोणीही बळी पडू नये.

मराठा समाजाला या दंगलीत उतरवून मराठ्यांनाच टार्गेट करून जातीय तेढ निर्माण करून मराठ्यांची चळवळ मोडीत काढुन मराठ्यांचे लक्ष दूसरी कडे फिरवण्याचा प्रयत्न हानून पाडावा. मराठा समाजाला आपल्या मागण्यांकडे लक्ष देणे गरजेच आहे. दंगली पेक्षा आमच्या मुलांना आरक्षण, संरक्षण, शिक्षण, नोकरी, उद्योग, व्यवसाय या कडे लक्ष देणे गरजेच आहे तसेच कोणीही या अफवांवर विश्वास ठेवू नये असे सांगण्यात आलेले आहे. मराठा क्रांति मोर्चा व सकल मराठा समाजाचे नाव वापरून कोणी खोटे पोस्ट टाकत असेल या वर सर्व ग्रुप वर मैसेज टाकणाऱ्याला फोन करून जाब विचारावा असे पुढे म्हटले आहे. मराठा क्रांति मोर्चा आणि सकल मराठा क्रांति मोर्चाचे नाव घेऊन कोणत्याही पक्ष संघटनेने दिशाभूल करू नये. अन्यथा अशा लोकांवर गुन्हे दाखल करण्यात येतील याची नोंद घ्यावी असा इशारा मराठा क्रांति मोर्चा कडून देण्यात आलेला आहे.

Related posts

‘हिरोईन’ शब्दाचा अर्थ नायिका म्हणजे कर्तबगार महिला, लोणीकरांचे स्पष्टीकरण

swarit

“मुख्यमंत्री व्हावं असं वाटतं का?”, अजित पवार म्हणतात..

News Desk

कंटेंन्टमेंन्ट झोन मध्ये प्रवेश केल्याप्रकरणी धस यांच्यावर गुन्हा दाखल

News Desk